கடவுள் பாதி...மிருகம் மீதி.....

மக்களே மொதல்லயே சொல்லீர்றேன், இதுக்கெல்லாம் முழுக்காரணம் நம்ம மங்கைதான். இத படிச்சிட்டு நீங்கள் அடையப்போகும் எரிச்சல், மன உளைச்சல்...இத்யாதி இத்யாதிகளுக்கெல்லாம் அவர்தான் காரணம்....

(பின்னே நமக்குள்ள தூங்கீட்டு இருந்த மிருகத்த எழுப்பி விட்டதுக்கான பலனை அம்மனி அனுபவிக்க வேனாமா...ஹி..ஹி...)

ஓக்கே...ஸ்டார்ட் ம்மீசிக்....

முதல்ல உங்களுக்கு ஒரு அதிர்ச்சியான உண்மை...

மெய்யாலுமே நான் கடவுள், நம்புறதுக்கு கஷ்டமாத்தான் இருக்கும், என்ன பண்றது அதான் உண்மை.உங்களுக்கு சந்தேகமிருந்தா சோதித்து பாருங்கள்.....என்னை நம்புகிறவர்களுக்கு அடுத்த மூன்று நாட்களில் நல்ல சேதியொன்று வரும்...நம்பாதவர்களுக்கு.....ஹேய் நம்புங்கப்பா....

அடுத்து....

நான் ரொம்ப மோசமான, மூர்க்கமான காமுகன்...ஹி..ஹி...டென்சனாவாதீங்கோ...ஒரு எழுத்து மிஸ்ஸிங்...இப்ப நல்லா படிங்க..."கார்முகன்". அதென்னவோ கார்னா அப்படி ஒரு கொலவெறி...பன்னெண்டு வயசுல மொதமொதலா ஸ்டீயரிங் பிடிச்சி அப்பாகிட்ட தர்ம அடி வாங்கி...இப்ப இருவத்தி அஞ்சு வருசமாச்சி.....இன்னும் தீரலை.இன்னிக்கு மார்கெட்ல நான் ஓட்டாத காரே இல்லைன்னு சொல்லலாம்.அத்தனையும் வாங்கி ஓட்டியாச்சி...கொளுப்பெடுத்த பயபுள்ளன்னு தோணுதா....ஹி..ஹி..., வீட்லயும் திட்டிப்பார்த்துட்டு தண்ணி தெளிச்சி விட்டுட்டாக....ஹி..ஹி...இப்ப எத்தன வண்டி வச்சிருக்கேனு சொன்னா பீத்திக்கிற மாதிரி இருக்கும்,அதுனால வேணாம்...ஹி..ஹி...

எப்போதும் என்னை ஒரு முட்டாளாக காட்டிக்கொள்வதையே விரும்புகிறேன்...அதில் நிறைய சாதகங்கள் இருக்கின்றன என்பதை உணர்ந்திருக்கிறேன்.....ஒன்றை நினைவில் வைத்துக்கொள்ளுங்கள்....புத்திசாலியாக யார்வேண்டுமானாலும் நடிக்கலாம்...முட்டாளாய் நடிப்பது ரொம்பவே கஷ்டம்.

அப்பால...நாம யாருக்காச்சும் ஹெல்ப் பண்ணினா அவங்கள தனியா கூப்டு மெரட்டீருவேன்..ஹி..ஹி....அதாவது "மவனே...நான் பண்ண இந்த ஹெல்ப் உணக்கும் எனக்கும் மட்டுந்தான் தெரியனும்...வேற யாருக்காச்சும் தெரிஞ்சது தொலச்சிருவேன்னு"....ஹி..ஹி.யாருக்கும் தெரியாம ஹெல்ப் பண்ணீட்டு ஒன்னுந்தெரியாத மாதிரி சமத்தா இருக்கறதுதான் பிடிச்சிருக்கு.

ஒரு காலத்தில் நண்பர்கள்தான் வாழ்க்கையாக இருந்தது....இன்றைக்கு தனிமையையே விரும்புகிறேன்....கிடைக்கும் கொஞ்ச நேரத்தையும் குடும்பத்துடன் செலவழிக்கவே விரும்புகிறேன்.இன்றைக்கு அநேகமாய் எல்லா நண்பர்களையும் தவிர்த்துவிடுகிறேன்....புதிய நண்பர்களை பெறுவதிலும் நாட்டமில்லை.

ஹி..ஹி...சென்னையில் ஒரு மிகபிரபலமான ஜோசிய அம்மனி என் ஜாதகத்தைப் பார்த்துவிட்டு, உன் வாழ்க்கையில் குறைந்தது பத்து பெண்களாவது வந்துபோவார்கள், உஷார் என இன்ப அதிர்ச்சி கொடுத்தார்...ஹி..ஹி...வீட்ல அம்மனிகிட்டே இன்னும் ஒன்பது பேர் வருவாங்க போல ஜாக்கரதையா பாத்துக்கன்னு சொல்லிருக்கேன் ...ஹி..ஹி...அம்மனியோ...அம்மா,தங்கை, பொன்னு, அத்தைனு...பத்து பேர் கணக்கு சொல்லி எல்லாம் வந்துட்டாங்க...அதுனால கைய காலவச்சிட்டு ஒழுங்கா இருக்கனும்னு மிரட்டிருக்காங்க...ஹி..ஹி...

ஒன்னுக்கொண்னு சம்பந்தமேயில்லாத வெவ்வேறு துறைசார்ந்த நான்கு தொழில் நிறுவனங்கள், அவற்றின் இலக்குகள்,ஆட்கள்,போட்டிகள், பிரச்சினைகள், லாபம், நஷ்டம்...என விரட்டும் அழுத்தங்கள்...காலை 7.30துவங்கும் நாள் முடிவடையும்போது நள்ளிரவு 12 ஐ தாண்டுகிறது....5 முதல் 6 மணி நேரமே தூக்கம்...தினம் சென்னை ட்ராஃபிக்கில் குறைந்தது 100 கிலோமீட்டராவது ட்ரைவ் செய்யும் பொறுமை.இத்தனைக்கும் நடுவில் சுற்றுபுறத்தை ரசிக்க,கோவிக்க,விமர்சிக்க முடிதல்......

என்னுடைய தொழில்முறை எதிரிகளை மிகவும் மதிப்பவன்.....அதனால்தான் என்னவோ.....என்னுடைய மோசமான எதிரிகள் கூட என்னை நேருக்குநேர் பார்க்க அமையும் சந்தர்ப்பத்தில் பகையை ஒதுக்கிவைத்து சினேகமாய் பேசுகிறார்கள்.....தொழிலை தவிர்த்து மற்ற விசயங்களை மனம்விட்டு பேசும் எதிரிகளும் உண்டு.இது குறித்து தனியே ஒரு பதிவே போடலாம் அத்தனை ஸ்வாரஸ்யமான சம்பவங்கள் உண்டு.

இந்தியா ஒரு அதியற்புதமான Legspinner ஐ இழந்துவிட்டது....மெய்யாலுமே மக்கா.....உலகத்தரம் வாய்ந்த, ஏன் அதை விட அருமையான சுழல்பந்து வீச்சாளன் நான்.

இப்படி நெறய சொல்லீட்டு போகலாம்....இப்பவே உங்களையெல்லாம் பாத்தா பாவமா இருக்கு....அதுனால இத்தோட முடிச்சிக்கறேன்.

"சும்மா கெடந்த பயல கிண்டிவிட்டு இப்ப ஆட்டம் தாங்கலியேன்னு தோணுதா மங்கை!......நாந்தான் அப்பவே சொன்னேன்ல நான் இந்த வெள்ளாட்டுக்கு வரலைன்னு...இப்ப அனுபவிங்க....ஹி..ஹி..."

ஸென் - என்ன சொல்கிறது.

ஸென் - ஒரு எளிய அறிமுகம்

---

"நெஞ்சுக்குள் நேரடியாக உள் புகுவதே என் தத்துவம்"

...இப்படித்தான் போதிதர்மா ஸென் பற்றி குறிப்பிடுகிறார்.

திரு.ருத்ரன் அவர்கள் தனது நூலில் இதை இன்னும் எளிமையாய் ஸென்னை விளக்குகிறார்....

ஸென் என்பதை நிலாவை காட்டும் விரல் என்றும் குறிப்பிடுவதுண்டு.ஸென் என்பது அனுபவம்..அதை விளக்க மூயலும் கதைகள்,விடுகதைகள்,கவிதைகள் ஆகியவையே அந்த சுட்டும் விரல்கள். விரலைப் பார்த்தால் நிலா தெரியாது. நிலாவை பார்த்தபின் விரல் தேவைப்படாது.நிலாவை தேடுபவன் முதலில் விரலைப் பார்த்து அது காட்டும் நிலாவை பார்க்க முடியும்.ஸென் விளக்கப்படுவதை விட உணரப்படவேண்டியது......

நான் உணர்ந்த வரையில் ஸென் என்பது சிக்கலில்லாத ஆன்மீகம். குறுக்கீடுகள் இல்லாத அனுபவமென்றும் கூறலாம். பொதுவில் ஸென் ஒரு மதமேயில்லை,அது ஒரு வாழ்கைமுறை...அனுபவித்து உணரவேண்டிய வாழ்வியல் தத்துவம். இங்கே கடவுள் இல்லை,சடங்குகளோ சம்பிரதாயங்களோ இல்லை.

இன்னும் சொல்வதென்றால், வாழ்க்கைக்காக காத்திருக்கும் மனிதனிடம்..... காத்திருக்கும் வாழ்க்கையை உணர்த்தி அனுபவிக்க சொல்லும் சூத்திரம்

ஸென் தத்துவத்தினை ஒரு வாழ்க்கை முறையாக்க் உலகெங்கும் அறிமுகம் செய்த பெருமை திரு.சுஸுகி என்பாரையே சேரும்.கியோட்டோ பல்கலை கழகத்தின் புத்தமத தத்துவ பேராசிரியரான இவர் பலமொழிகளில் பரிச்சியம் உள்ளவர்.ஸென் பற்றி இவர் எழுதிய 25க்கும் மேற்பட்ட புத்தகங்களும் க்ட்டுரைகளும்தான் ஆங்கில உலகத்திற்கு ஸென்னை அறிமுகப்படுத்தியது.ஆங்கில வழிதான் ஸென் உலகெங்கும் பரவியது, நம் தமிழுக்கும் அப்படியே....

இவர் தவிர திரு.அலன் வாட்ஸ் மற்றும் திரு.பௌல் ரெப்ஃ ஆகியோரும் ஸென் பற்றி அருமையான புத்தகங்களை எழுதியுள்ளனர். இவர்களையெல்லாம் மிஞ்சும் வகையில் செக்ஸ் சாமியார் என அவதூறு பரப்பப்பட்ட ரஜனீஷ் என்கிற ஓஷோ தனது உரைகளில் ஸென் தத்துவத்தை பரப்பினார். அவரது உரைகளை கொண்டு மட்டுமே ஸென் தொடர்பாய் 700க்கும் மேலான நூல்கள் வெளியாகியுள்ளன. ஓஷோ எழுதிய 'போதிதர்மா' என்கிற நூலில் போதிதர்மா பற்றிய பல சுவையாக கதைகள் உள்ளன.

அடுத்த பாகத்தில் ஸென் பற்றி மேலதிக தகவல்களுடன் தொடர்கிறேன்.....

ஸென் - ஒரு எளிய அறிமுகம்

ஸென்...இதன் நேரடி அர்த்தம் நம்மில் எத்தனை பேருக்கு தெரியும்?. இந்த வார்த்தையும் அது தாங்கிப்பிடிக்கும் தத்துவமும், அதன் பின்புலமும், மஹோதன்னமும் எத்தனை பேருக்கு தெரியும்?....

இந்த பதிவு அதெல்லாம் தெரியாத நண்பர்களுக்காகவே....

புத்த மதத்தின் இரு பிரிவுகளில் ஒன்றான மஹாயான புத்தமதத்தின் ஒரு வகைதான் இந்த் ஸென். சீனாவில் தோன்றிய இந்த பிரிவை தோற்றுவித்தவன் ஒரு தமிழன் என்பது ஆச்சர்யமான அதே நேரத்தில் அதிகம் வெளியில் தெரியாத உண்மை.

'போதிதர்மா' என்கிற மாமனிதன் தந்த கொடைதான் இந்த ஸென். ஏறத்தாழ 1400 ஆண்டுகளுக்கு முன்னர், பல்லவ அரனொருவனின் மூன்றாவது மகனாக பிறந்தவர்தான் இந்த போதிதர்மா.பௌத்த மதத்தில் ஈடுபாடு கொண்டு அரசபோகங்களை உதறி புத்தரின் கொள்கைகளை பின்பற்ற துவங்கிய போதிதர்மாவின் குரு ஒரு பெண்மணி என்பதும் ஆச்சர்யமான விடயம்.

'பிரக்யதாரா' என்கிற பெண்மணிதான் போதிதர்மாவின் குரு. குருகுல வாசம் முடித்த அவரை அவரின் குரு சீனாவுக்கு செல்லுமாறு பணித்தாக தெரிகிறது.அதற்கு சுவையான ஓரு காரணமும் சொல்லப்படுகிறது.

அந்த காலகட்டத்தில்தான் சீனா கன்ஃப்யூஷியசின் தத்துவங்களில் இருந்து மெல்ல புத்தரின் போதனைகளை நோக்கி திரும்பிக் கொண்டிருந்தது எனவும்,புத்தரின் எண்ணங்களை தேர்ந்த ஒரு மெய்ஞானியால் மட்டுமே பிரதிபலிக்க முடியும் என்றே அவர் சீனாவுக்கு செல்ல பணிக்கப்பட்டார் என்கிற கதையும் உண்டு.

சீனாவில் ஒன்பது ஆண்டுகள் போதனைக்குப் பிறகு தனது நான்கு சீடர்களை அழைத்து தனது கேள்விக்கு சரியான பதிலை தருபவரை தனது வாரிசாக நியமிப்பதாகவும்,அவருக்கே தன்னையும் தனது ஞானத்தையும் தருவதாக கூறினாராம்.

அவரின் மௌன கேள்விக்கு முதலாவது சீடன் "மௌனமே எல்லாவற்றையும் ஆரம்பிக்கும்" என்றானாம். போதிதர்மா அவனிடம் 'உனக்கு என்னுடைய தோல்' என்றார்.இரண்டாவது சீடன் "நானில்லை ஆனால் இருக்கிறேன், இருப்பதால்" என்றவனிடம் 'என் சதை' என்றாராம்.

மூண்றாமவன் "சொல்லமுடியாது" என்றதற்கு 'உனக்கு என் எலும்புகள் சொந்தம்' என்று கூற, நான்காவது சீடன் அவரை மௌனமாக வணங்கினான். அவனுக்கே தனது ஆன்மா சொந்தம் என கூறி அவனையே தனது வாரிசாக நியமித்தார் என்று சொல்லப்படுகிறது. அவர்தான் இரண்டாவது ஸென் குரு என அறியப்படும் 'ஹீகோ'(Huike).

தோலும் எலும்பு சதையும் மட்டுமே போதாது, ஆன்மாதான் நிரந்தரம் என்பதை உணர்த்தவே இந்த வாரிசு தேர்வு கதை சொல்லப்படுவதாகவும் கூறப்படுகிறது. போதிதர்மா அவரது சீடர்களாலேயே கொல்லப்பட்டதாகவும், ஆனால் அதற்கு மூன்றாண்டுகள் கழித்து அவர் இமயத்தின் பனிமுகடுகளி அவரை பலர் பார்த்ததாகவும் கூறப்படுகிறது.

ஸென் என்பது மாபெரும் ஆன்ம ஞானம்...ஸென் என்பதற்கான அர்த்தத்தையும் அது தரும் அனுபவத்தினையும் அடுத்து வரும் பதிவில் தொடர்கிறேன்.

Sir Bob Woolmer(1948-2007)

சர்வதேச கிரிக்கெட் உலகத்தையே சோகத்தில் ஆழ்த்தியுள்ளது சர்.பாப் ஊல்மரின் அகால மரணம். அன்னாரின் குடும்பத்திற்கு எனது ஆழ்ந்த இரங்கலையும், இத் துயரத்தினை தாங்கும் தேவையான மன உறுதியினை தருமாறு எல்லோருக்கும் பொதுவான இறைவனிடம் பிரார்த்திக்கிறேன்.

அயர்லாந்திற்கெதிரான அதிர்ச்சி தோல்வி தந்த மன உளைச்சலே அவரை இந்த முடிவுக்கு இட்டுச் சென்றிருக்கும் என கூறப்படுகிறது.கடந்த இரண்டு நாட்களாய் ஊடகங்களும், பாகிஸ்தானின் முன்னாள் வீரர்களும் வாய்க்கு வந்தபடி அவரை மட்டு மரியாதையில்லால் திட்டி தீர்த்தவர்கள் இனி அவரை வாயார புகழ்வார்கள். இதனால் யாருக்கு என்ன பயன்....வாழும் காலத்தில் மதிக்கப்படாமல் போவதை விட பெரிய கொடுமை ஏதுமில்லை.

இந்தியத் தாயின் மடியில் பிறந்த எண்ணற்ற தவப்புதல்வர்களில் பாப் வூல்மரும் ஒருவர் என்பதை இந்த கணத்தில் ஒரு இந்தியனாக பெருமையுடன் எண்ணிப்பார்கிறேன்.

அண்ணாரின் வாழ்வையும், அவரது சிறப்புகளையும் அவரது இந்த தளத்தில் சென்று பார்க்கலாம்.

அண்ணாரின் ஆத்மா சாந்தியடைய எல்லாம் வல்ல இறைவனை வேண்டுவோம்.

துயரத்துடன்...

பங்காளி...

Google Earth படங்காட்றாங்க.....

Google Earth...ல எடுத்த படங்களாம் இவை.....வேறு யாரும் இதுமாதிரி படங்களை எடுத்திருந்தால்....பகிர்ந்து கொள்ளலாமே......

Everest

Dolphin

Basra

BarrierReef

Pyramids

Profanity

Plane UK

Palm

Hollywood

U-boat

Topless

Teotihuacan

coronado military base

Wolf creek meterit

Versaille

தமிழ்மணம் நிர்வாகத்திற்கு....

அன்புடையீர்...

சமீபத்தில் தமிழ்மணம் பின்னூட்ட உயரெல்லையை 30 ஆக நிர்ணயித்திருப்பது பற்றிய அறிவிப்பினை வரவேற்கிறேன். நன்கு ஆராய்ந்து எடுத்த முடிவாகவே தோன்றுகிறது.

இதே வகையில் பின்னூட்ட மட்டுறுத்தலை செயல்படுத்தாத பதிவர்களின் பின்னூட்டங்களும் முகப்பில் திரட்டப்படுவது அவசியமென்று நினைக்கிறேன். தற்சமயம் அநேகமாய் எல்லா பதிவர்களும் விரும்பியே மட்டுறுத்தலை செய்துகொண்ட பின்னர்....மட்டுறுத்தலில் உடன்பாடில்லாத என்போன்ற வெகுசில பதிவர்களே பின்னூட்ட மட்டுறுத்தலை செயல்படுத்தாதிருக்கின்றனர்.

தங்களுக்கு பாதிப்பு வருமென நினைத்த பதிவர்கள் பாதுகாப்பு ஏற்பாடுகளைச் செய்துகொண்ட பின்னர் மற்றவர்களை ஒதுக்கிவைப்பதில் நியாயமில்லை என்றே படுகிறது. இது எனது கோரிக்கை....சாதக பாதகங்களை பரிசீலிப்பீர்கள்....நல்ல முடிவெடுப்பீர்கள் என்கிற நம்பிக்கையுடன் முடிக்கிறேன்.....

துக்க நிவாரணி....

ஏதோவொரு வகையில் பிறரை சார்ந்திருப்பவனிடம் சலனம் மிகுந்திருக்கிறது.

சுதந்திரமாக இருப்பவனிடம் சலனம் இருப்பதில்லை.

சலனமில்லாத இடத்தில்தான் அமைதி உண்டாகிறது.....

அமைதியான இடத்தில்தான் இன்பம் பிறக்கிறது.

இன்பத்தை தேடும் போதுதான் வரவும் செலவுமாக நிலைமாற்றங்கள் தோன்றுகின்றன.

நிலைமாற்றங்கள் எங்கில்லையே அங்கேதான் துக்கத்தின் முடிவும் இருக்கிறது....

இந்த பதிவிற்கான காரணங்கள்...

1.புத்தரை பற்றி படிக்க ஆரம்பித்ததின் தாக்கம்
2.பதிவெழுதுவதை மறந்துவிடக் கூடாது என்பதனால்..
3.இதை எத்தனை பேர் ஒத்துக்கொள்வீர்கள் என தெரிவதற்காக..

மிதக்கும் பாறை..!

சவுதி அரேபியாவில் AL-Hassa பகுதியில் ஒரு பெரிய பாறையொன்று ஏப்ரல் மாதத்தில் ஒருநாள் சுமார் 30 நிமிடங்களுக்கு தரையிலிருந்து 11 செண்டி மீட்டர் உயரத்தில் மிதக்கிறதாம். நம்புற மாதிரியா இருக்கு.... படத்தப் பாருங்க....ம்ம்ம்ம்


ஊர்ல என்ன சொல்றாங்கன்னா...1989ல் ஏப்ரல் மாசம் அதாவது17 வருஷத்துக்கு முன்னால இந்த பாறைக்கு பின்னால ஒரு தீவிரவாதி ஒளிஞ்சிருந்ததாகவும் அவனை போலீசார் என்கவுண்டரில் போட்டுத்தள்ளியதாக கூறுகின்றனர்.

இப்பவும் அந்த பாறையில் ரத்தக்கறைகளை கானலாமெனவும், கல் மேலே உயரும் போது அந்த கறை கறுத்து ஈரமாக இருப்பதாகவும் கூறுகின்றனர். ஊர் மக்கள் அதை அழிக்க முயன்றதாகவும்...அழித்தாலும் அது பின்னர் தோன்றியதாகவும் கூறுகின்றனர்.படத்தினை பெரிதாக்கி பார்க்க உங்கள் எலிக்குட்டியால் படத்தை முத்தமிடவும்(ஹி..ஹி...வேலெண்டைன் டே எஃபெக்ட்).

இது உண்மைதானான்னு விசாரிச்சுச் சொல்லுங்கப்பேய்....

நம்மாலும் தேர்தலை நிறுத்த முடியுமாம்...

எனக்கு மின்னஞ்சலில் வந்த செய்தியினை பகிர்ந்து கொள்ள விரும்புகிறேன்.....இதன் உண்மைத்தன்மையை அறியேன். தெரிந்தவர்கள் விளக்கலாம். இது உண்மையாயிருக்கும் பட்சத்தில் நமது தேர்தல் கமிஷன் இதுவரை இதை விளக்கி அறிவிப்பு ஏதும் கொடுத்ததாக தெரியவில்லை.....ஏன் செய்ய மறந்தார்கள்?

Section 49-O of the Constitution

Did you know that there is a system in our constitution, as per the 1969 act, in section "49-O " that a person can go to the polling booth, confirm his identity, get his finger marked, and convey the presiding election officer that he / she doesn't want to vote anyone !

Yes, such a feature is available, but obviously these seemingly notorious leaders have never disclosed it. This is called " 49-O ".

Why should you go and say "I VOTE NOBODY " ? ... Because, in a ward, if a candidate wins, say by 123 votes, and that particular ward has received " 49-O" votes more than 123 , then that polling will be cancelled and will have to be re-polled. Not only that, but the candidature of the contestants will be removed and they cannot contest the re-polling, since people had already expressed their decision on them.

This would bring fear into parties and hence look for genuine candidates for their parties for election. This would change the way, of our whole political system... it is seemingly surprising why the election commission has not revealed such a feature to the public.... Please spread this news to as many as you know... Seems to be a wonderful weapon against corrupt parties in India... show your power, expressing your desire not to vote for anybody, is even more powerful than voting... so don't miss your chance.

So either vote, or vote not to vote ( vote "49-O ") and pass on this info...

Please forward this mail to as many as possible, so that we, the People of India, can really use this power to save our nation.

Use your voting right for a better INDIA.

SO, IF YOU DON'T WANT TO VOTE PLEASE GO TO POOLING BOOTH AND PUT YOU VOTE TO "NOT TO VOTE", IT WILL ALSO REDUCE BOOTH CAPTURING.

JAGO INDIA JAGO

சாய் அற்புதமா....

சாய் அற்புதமா?...என்கிற முந்தைய பதிவின் தொடர்ச்சியாக இதை பதிகிறேன்.இனி நான் விவரிக்கப் போகும் இரண்டு சம்பவங்களும் தற்செயலான நிகழ்வுகளா அல்லது அந்த சூழல் தந்த அமானுஷ்ய உணர்வுகளினால் அவை அற்புதங்கள் என நினைக்க வைத்தனவா என்றெல்லாம் விவாதிக்க விரும்பவில்லை......இயன்றவரை மிகைப்படுத்துதல் இல்லாது நேர்மையாக பகிர்ந்து கொள்ள நினைத்தேன் பகிர்ந்து கொள்கிறேன்....அவ்வளவே.

---

இது நடந்து மூன்று வருடங்கள் இருக்கும்....

அப்போது என்னிடம் ஹுண்டாய் அக்ஸண்ட் இருந்தது. மார்ச் மாத கடைசியில் ஒருநாள் அண்ணா நகர் சாந்தி காலனி அருகில் எனது காரின் வலதுபக்க முன் டயர் பெரிய சத்தத்துடன் வெடித்தது. கீழிறங்கி பார்த்தபோது டயர் தெறித்து கம்பி வலையெல்லாம் பிய்த்துக்கொண்டு கோரமாய் இருந்தது.பக்கத்தில் இருந்த கடையில் சொல்லி ஸ்டெப்னி மாற்றிக் கொண்டு போய்விட்டேன்.

புது டயர் வாங்கவேண்டுமென்று நினைத்தாலும் அது தள்ளிப்போனது(பட்ஜெட்...ம்ம்ம்). இந்த நிலையில் தமிழ்புத்தாண்டுக்கு பெங்களூரு வொயிட்ஃபீல்ட் ஆஸ்ரமத்தில் பாபாவை தரிசிக்கலாமென குடும்பம் ஏகமனதாய் முடிவெடுத்தது. எனது மாமாவும் வருவதாக கூறினார்...டயரை மனதில் கொண்டு அவரது காரில் போய்விடலாமென கூறியிருந்தேன்.

ஏப்ரல் 13....அவர் வீட்டிற்கு சென்றபோது....அவரது காரில் பெட்ரோல் அடைப்பதால் என் வண்டியிலேயே போய்விடலாமென கூற அதிர்ச்சியாக்கினார்....மனுசனோ கோவக்காரர், தடங்கலாய் ஏதாவது சொன்னால் அப்செட் ஆகிவிடுவாரென...மெல்லவும் முடியாமல் முழுங்கவும் முடியாமல் விதியின் மேல் பாரத்தைப் போட்டு கிளம்பினேன்.

வழக்கமாய் பெங்களூரு செல்லும் பாதைதானே சமாளித்துக்கொள்ளலாம் என கொஞ்சம் நம்பிக்கையுடன் இருந்த போது...இந்த தடவை கோலார் வழியே போவோம் என அடுத்த குண்டைப்போட்டார்...கோலார் வழியில் ஒரு ஈ...காக்காயை பார்க்கமுடியாது....அத்தனை வெறிச்சென்ற பாதை....

இந்த இடத்தில் ஒன்று சொல்லிக்கொள்ள விரும்புகிறேன்....எனக்கு எப்பொழுதுமே கடவுளிடம் பேரம் பேசுவதோ...கெஞ்சுவதோ பிடிக்காத ஒன்று...அதனால் கடவுளின் உதவியை கேட்கவேண்டுமென தோன்றவே இல்லை.

....ம்ம்ம்ம்...உலகத்தில் உள்ள அத்தனை எண்ணையையும் கண்ணில் ஊற்றிக்கொண்டு வண்டியோட்டினேன் என்றுதான் சொல்ல வேண்டும். இருட்ட ஆரம்பிக்க இனம் புரியாத பயம் கவ்வியவாறே ஒரு வழியாய் பெங்களூரை நள்ளிரவில் அடைந்தோம்.எல்லோரும் களைப்பாய் தூங்க கொட்ட கொட்ட விழித்து வண்டியோட்டியவன் இரவு முழுவதும் அதையே தொடர்ந்தேன்.

மறுநாள் காலையில் ஸ்வாமியின் தரிசனம்......புதுவருடத்தில் ஞானகுருவின் தரிசனமும் அந்த சூழலும் மனதிற்கு இதமாயிருந்தது. தரிசனம் முடிந்த கையோடு சென்னை கிளம்ப வேண்டுமென்பதில் குறியாய் இருந்தேன். பகலிலேயே பயணத்தை வைத்துக்கொள்ள வேண்டுமென்பதில் உறுதியாக இருந்தேன். மீண்டும் கோலார் வழியேதான் போகவேண்டுமென வற்புறுத்த அவ்வாறே எவ்வித பிரச்சினையுமின்றி சென்னை திரும்பினேன்...

இதிலென்ன அற்புதமிருக்கிறது என்கிற சலிப்பு வந்தால் கொஞ்சம் பொறுங்கள்....

இரண்டு நாள் தூக்கத்தை ஒரே நாளில் தூங்கினேன் என்றுதான் சொல்லலாம்.காலையில் அலுவலகம் கிளம்பும் போது பார்த்தால் வண்டி பஃங்ச்சர்....இப்போது வலது பின் டயர்.

என் ஆட்களை அழைத்து பஃங்சர் போட சொல்லிவிட்டு வீட்டிற்குள் வந்துவிட்டேன்....கொஞ்சத்தில் எனது ஆட்கள் அழைக்க வெளியே வந்தேன்...சார் ஸ்டெப்னி நல்லா இருக்கு அதை மாத்திடறேன்...நீங்க கிளம்புங்க நான் பஃங்சர் போட்டு வைக்கிறேன் என...தொடர,... சரியாக பார்க்காமல் இம்சையாக்கறானே என எரிச்சல் பற்றிக்கொண்டு வந்தது.

அது கிழிஞ்ச டயர்...சரியா பாரு என கோவிக்க...அவன் எரிச்சலாகி ஸ்டெப்னியை தூக்கி என் முன்னால் தரையில் போட...எம்பிக்குதித்தது......ம்ம்ம்ம்ம்ம்ம்

கிழிந்த டயரை நாண்தான் காரில் தூக்கிப்போட்டேன்....இப்போது எந்த கிழிசலுமில்லாமல்,முழுசாய்.... என்னுடைய மனநிலை எத்தகையதாக இருக்கும் என்பதை உகித்துக்கொள்ளுங்கள்.

இதற்கு மேல் இந்த சம்பவத்தை விவரிக்கவோ விவாதிக்கவோ விரும்பவில்லை...ம்ம்ம்ம்ம்ம்

---

இரண்டாவது சம்பவம்....கடந்த வருடம்....

ஒரு நாள் மதியம் திடீரென புட்டபர்த்தி போய்வந்தால் நல்லாயிருக்குமென தோன்றியது....ஆனால் எப்படி போவது, அத்தனை தூரம் காரோட்டுவதில் ஆர்வமில்லை. அங்கே இதுவரை பேருந்தில் போனதுமில்லை...போவதற்கும் சலிப்பாயிருந்தது....ஆனால் போகவேண்டுமென்கிற உந்துதல் இருந்தது.

கொஞ்சத்தில் திடீரென என் செல்பேசியில் அழைப்பு...அந்த நபர் Air Deccan அலுவலகத்தில் இருந்து அழைத்திருந்தார்...முன்பு எப்போதோ ஒரு தடவை அவரை சந்தித்திருக்கிறேன், பெரிதாய் நினைவில்லை. அவர் என்னிடம் நாளைமுதல் அவர்கள் புட்டபர்த்திக்கு விமானசேவையினை ஆரம்பிக்க இருப்பதாகவும், முதல் ஃப்ளைட்டில் போய் அடுத்த நாள் திரும்பி வர ஒரு Complimentary Ticket அனுப்பியிருப்பதாகவும்...அவசியம் நாளை வரவும்...விமான நிலையத்தில் சந்திக்கிறேன் எனக்கூறினார்.

இத்தனைக்கும் அவர்கள் சேவையில் அதிகம் பறக்காதவன் நான்...கொஞ்ச நேரத்திற்கு ஒன்றுமே புரியவில்லை.....அவர்களின் முதல்நாள் சேவையில் என்னை கட்டணமின்றி அழைத்துப்போய்...அடுத்த நாள் திரும்பவும் கூட்டி வருகின்றனர்....

விவரிக்க இயலாத உணர்வுடன் போய் வந்தேன்...அந்த முறைதான் முதல்முறையாக பாபா என்னை கண்ணோடு கண் நோக்கினார்....சிரித்தார்...அது தற்செயலா.......அற்புதங்களின் தொடர்ச்சியா.....தெரியவில்லை...ம்ம்ம்ம்ம்

நான் ஒரு அரைவேக்காட்டு ஆ(நா)த்திகன் என்பதையும் இந்த இடத்தில் பதிவு செய்ய விரும்புகிறேன்.

டாய்லெட்ல ரெஸ்ட்டாரெண்ட்

என்ன இம்சைடா....டாய்லெட்ல ரெஸ்ட்டாரெண்டாரெண்ட்டானு தோனுதா....ஹி..ஹி...அப்டித்தான் நடக்குது தாய்வான்ல. படத்தப் பாருங்க, எல்லாம் டாய்லெட் மாதிரி செட்டப்தான்.
சும்மா சொல்லக்கூடாது....நல்லாத்தான் இண்ட்டீரியர் பண்ணீருக்காய்ங்க...!
ஐஸ்க்ரீம் இந்த மாதிரித்தான் சர்வ் பண்ணுவாங்களாம்....உவ்வே...!
சாப்ட போற நேரத்துல பார்த்தேன்னு யாரும் திட்டாதீகப்பூ....எல்லாம் நெட்ல சுட்டது.

வெள்ளாடலாமா....?

ஒரு ச்சின்ன வெள்ளாட்டு...சரியா,

மொதல்ல உங்களோட favorite website ஒன்ன தெறந்து வச்சிக்கங்க - பங்காளியோட சைட்டத்தான் தொறப்பேனெல்லாம் அடம்பிடிக்க கூடாது...ஹி...ஹி...

1. Remove everything from the address bar, then copy & paste the following into it:

javascript:R=0; x1=.1; y1=.05; x2=.25; y2=.24; x3=1.6; y3=.24; x4=300; y4=200; x5=300; y5=200; DI=document.images; DIL=DI.length; function A(){for(i=0; i-DIL; i++){DIS=DI[ i ].style; DIS.position='absolute'; DIS.left=Math.sin(R*x1+i*x2+x3)*x4+x5; DIS.top=Math.cos(R*y1+i*y2+y3)*y4+y5}R++}setInterval('A()',5); void(0);

2. Hit enter

இப்ப பாருங்க வெள்ளாட்ட...ஹி..ஹி...

(தைரியமா வெள்ளாடுங்கப்பு...)

(இது நெட்டுல சுட்டது)

மூத்த பதிவர்

Donald Crowdis ....இவர்தான் வலையுலகின் மிக மூத்த பதிவராக இருக்க கூடும். வயது 92. முன்பு கனடா தொலைக்காட்சியின் நிகழ்ச்சி தொகுப்பாளராக இருந்தவராம். பெருசு கலக்கறாருங்கோவ்....

ம்ம்ம்ம்....நம்முடைய வயதான பதிவர்களை நினைத்தால்....ஹி...ஹி...ம்ம்ம்ம், வேணாம்ப்பா நோ கமெண்ட்ஸ். காக்கைக்கும் தன் குஞ்சு பொன் குஞ்சுதானே....

சாய் அற்புதமா?

மோதிரம் கொடுத்தார், விபூதி கொடுத்தார், வாட்ச் கொடுத்தார்...ஏண்டா இது வரை ஒரு பூசணிக்கா தரல. எல்லாம் கைக்குள்ள அடங்கற மாதிரி பொருளாவே தர்றார். அவர் கொடுத்த சீக்கோ வாட்ச்ல கம்பெனியோட சீரியல் நம்பர்லாம் வருதே எப்படி?.இந்த அஜால்குஜால் வேலையெல்லாம் வீடியோவுல நல்லா தெரியுது பார்....இந்த பிரச்சாரங்கள் அவருக்கெதிராய் ஒரு துரும்பைக்கூட அசைக்கவில்லை என்பதுதானே உண்மை.

இந்த நாட்டில், நான் கூட என்னை கடவுளாக அறிவித்துக்கொள்ள உரிமை இருக்கிறது, அதை ஸ்திரப்படுத்த அத்தனை வகை வியாபார உத்திகளையும் செயல்படுத்தி,எதிர்வரும் சவால்களை ஊதித்தள்ளி என்னை கடவுளென நம்பவைக்கும் ஆளுமையும் இருக்கிறது. முடிந்தால் என்னை தோலுறித்து காட்டுங்கள்...அறுபத்தி நாலு வருடமாய் அதற்காய் ஆக்கபூர்வமாய் என்ன செய்திருக்கிறீர்கள்....நான் அயோக்கியன் என தெரிந்தும் என் தந்திரத்திற்கு முன்னால் நிற்கமுடியாது தெருவில் நின்று உளையிடுவதைத் தவிர வேறு எதை சாதித்திருக்கிறீர்கள்?. நாளின் முடிவில்(End of the Day) நான் கடவுளாக உறுதிப்படுவதும்...நீங்கள் ஊளையிடுவதாய் நிற்பதும்தானே நிஜம்.

அவர் கடவுள்தான் என அவரது பக்தர்களைவிட இந்த விமர்சகர்கள் நம்பினர் என்பேன்.ஆசாபாசங்கள் நிறைந்த சாதுர்யமான சாமானியன்தான் சத்யசாய் என்பதை அவர்கள் உணர மறுத்தார்கள் என்பதே எனது குற்றச்சாட்டு....கடவுள் இல்லையென நிரூபிக்க பாடுபட்ட இவர்கள் இவர் சாமானியனே என உணர்த்த பாடுபட்டிருக்க வேண்டும்.இன்னும் சொல்லப்போனால் காலத்தின் துனையோடு அவர் ஜெயித்துவிட்டதாகவே நினைக்கிறேன்.தோல்வியை ஒப்புக்கொள்ள மனமில்லாது இன்னமும் புலம்பிக்கொண்டிருக்கிறோம்.

இனி கொஞ்சம் வேறு பாதையில் சிந்திப்போமா.....

அனைவருக்கும் ஏதோ ஒரு வகையில் வாழ்வில் உறவுகள் தேவைப்படுகிறது.
கடவுளையும் மனிதனையும் இனைக்கும் உறவை என்னவென்போம்...பக்தி எனலாமா?....பொதுவில் உறவுகள் என்பது ஒருவகையான இளைப்பாறும் மனப்பான்மை,கடவுளுக்கும் மனிதனுக்குமான உறவு என்பது சௌகரியமான பொய், அவசியமான உண்மை.உதவும் பொய்களுக்கும் தேவையான உண்மைகளுக்கும் இடையே இருப்பதுதான் வாழ்க்கை.

இந்த உறவின் நிழழே போதுமென்றால் அதிலேயே தங்கிவிடலாம். அது தற்காலிக தேவைதான் என்று தெரிந்தால் - வாழ்வின் பாதையை தொடரலாம். உண்மைகளைத்தான் தொடரவேண்டுமில்லை.பொய்களையும் தொடரலாம். உண்மை நிஜத்தின் தரை, நடக்கத்தான் முடியும்..ஆனால் பொய் ஒரு கனவின் விஸ்தாரம் -பறக்கவும் முடியுமெனும் ஆசையை நம்பிக்கையாக்கும் அரிதாரத்தின் ஆதாராம்..இதுதான் பக்தி என்பதை உணரத் தலைப்படவேண்டும்.

இந்த உறவினால் எதெல்லாம் சாத்தியமாகிறது....

*உள்ள குமைச்சலையும், குமுறலையும் பயமின்றி பரப்பி வைக்க ஒரு தளம்
*தன்னை அங்கீகரித்து ஏற்றுக்கொள்வதால் உள்ளுக்குள் உணரும் சுயமரியாதை
*தன் சக்திக்கு மீறிய காரியங்களுக்கு தக்க சமயத்தில் கிடைக்கும் உதவி
.....இப்படி பட்டியலிட்டுக்கொண்டே போகலாம்.

ம்ம்ம்ம்ம்.....எத்ற்காக இத்தனையும் எழுதிக்கொண்டிருக்கிறேன். சலிப்புதான் வருகிறது, யாருக்கும் தெரியாததை எழுதவில்லை, எனவே இந்த பதிவினை இந்த அளவில் முடித்துக்கொள்வதுதான் நம் இருவருக்குமே நல்லது....

எனது அனுபவத்தில் அற்புதமாக தோன்றிய இரண்டு நிகழ்வுகளை அடுத்த பதிவில் பகிர்ந்து கொள்கிறேன்.

இந்த பதிவில் உள்ள சில வரிகள் ருத்ரனிடமிருந்து திருடப்பட்டவை(அனுமதியில்லாது எடுத்தால் அதன் பேர் திருட்டுத்தானே !)

வயது வந்தவர்களுக்கு மட்டும்...

தமிழில் சுதந்திரமாய் தன் போக்கில் பதிவும் பதிவர்கள் வெகு குறைவு. போலியான அடையாளங்கள், வாசகவட்டத்திற்கு இணக்கமான பதிவுகளை மட்டுமே வலிந்து பதிந்து புனிதபிம்பமாய் காட்டிக்கொள்ள மெனகெடுதலில் எனக்கு உடன்பாடு இருந்ததில்லை.

என் பதிவு தமிழ்மணத்தில் இனைக்கப் பட்டுள்ளதால் இங்கே உருவாக்கப்பட்டுள்ள கலாச்சார வரம்புகளை மீறி பரிசோதனைகள் எதையும் செய்ய இயலவில்லை என்பதை வேதனையுடன் ஒப்புக்கொள்கிறேன்.

அய்யோ..அவங்க படிப்பாங்க...இவங்க படிப்பாங்க...ச்சின்ன புள்ளைங்க வந்து போகுது, வீட்ல இருக்கற பொம்பளைங்க பார்ப்பாங்க...அப்படி இப்படியென நிஜத்தில் உழலும் அத்தனை கழிசடைகளும் இங்கும் கோலோச்சுவதை வெறுக்கிறேன்.

என்னுடைய பதிவுகளை இத்தனை பேர் படிக்கவேண்டுமென எதிர்பார்ப்பதும் அதற்கான உத்திகளில் இறங்குவதெல்லாம் தேவையற்றது என்பது என் தனிக்கருத்து. இது சுதந்திரவெளி....எனக்கு தெரிந்தது தெரியாதது, விரும்பியது விரும்பாதது என என்னுடைய தேடல், பலம், பலவீனம், விகாரம் என அத்தனையும் குவித்துவைக்கும் ஒரு இடம் அவ்வளவே....

இஷ்டமும், பொறுமையும் இருந்தால் மட்டும் படி...இல்லையேல் ஓடிப்போ என்கிற மனப்பாங்குடன் எழுதுவதே சுகம் என தோன்றுகிறது. இத்தனை பேர் பின்னூட்ட வேண்டும்...அந்த வெங்காயங்களும் நான் விரும்புகிற மாதிரித்தான் பின்னூட்டவேண்டும்...அதைத்தான் வெளியிடுவேன் மற்றதெல்லாம் என் மனசுக்குள் சாக்கடையாய் சேர்த்து வைத்துக்கொண்டு சந்தர்ப்பம் கிடைக்கும்போது அவனை போட்டுத்தாக்குவேன்....இது எனக்கு தேவையில்லை.

அதற்காக இத்தனை நாள் தெரிந்தவர்களையெல்லாம் தூக்கியெறிந்து போவதிலும் தயக்கம்....எனவே தனியாய் ஒரு பதிவினை துவக்க உத்தேசித்திருக்கிறேன். அது சுதந்திர உலகம், அங்கே யாரும் வரலாம்....அதற்காக வாருங்கள் வந்து ஆதரவு தாருங்கள் என்றெல்லாம் அழைக்க உத்தேசமில்லை.

இஷ்டமிருந்தால் என்னுடைய ப்ரொஃபைலில் இருக்கும் அந்த வலைப்பதிவை தேடிப்பாருங்கள். அந்த பதிவு நிச்சயமாய்.....வயது வநதவர்களுக்கு மட்டுமே....


(இந்த பதிவு தொடர்ந்து தமிழ்மணத்துடன் இங்குள்ள வரையறைகளுடன் தொடர்ந்து இயங்கும்...ஏனெனில் இதுவும் பிடித்திருக்கிறது....)

நாதானுசந்தானம்

நம்மில் பலர் ஊருக்குள்ள தியானம் சொல்லிதர்றேன், யோகம் சொல்லிதர்றேன்னு கில்மா காட்டி காசுபறிக்கிற வித்தைகாரர்களிடம் போய் காசை அழுது, புரிந்தும் புரியாமலும் நாட்களை ஓட்டிக்கொண்டிருக்கிறோம். புதிய புதிய பெயர்களில் இந்த வியாபாரிகள் தரும் பேக்கேஜ்கள் தருவதாக சொல்லப்படுவது மன அமைதியும், மனத்தூய்மையுமே.

எல்லாஞ்சரிதான் இப்ப என்ன எழவுக்கு இத்தன பில்டப்னு கேக்கறீங்களா....பின்னே நாதானுசந்தானம்னா என்னன்னு சொல்றதுக்கு ஒரு ஓப்பனிங்க் வேணும்ல..அதான், ஹி..ஹி...இப்படித்தான் நெறய விசயங்கள் சரியாக முகவரிப்படுத்தாததால இழந்திருக்கிறோம். இந்த நாதானுசந்தானமென்பது ஒரு எளிய வித்தை, யார் வேண்டுமானாலும் செய்யலாம்.

சாமானியர்களாய் நம்மிடையே வாழ்ந்த சித்தர்கள் சொல்லிக்கொடுத்த இம்முறையானது காலப்போக்கில் சிலரால் கையகப்படுத்தப்பட்டு....பின்னர் பெரிய்ய ஆரியவித்தைடா...இதுன்னு சொல்ற நிலமைக்கு போய்விட்டது.(அப்பாடா...கொஞ்சம் பாலிடிக்ஸ் தொட்டாச்சு).

பில்டப்பெல்லாம் போதும்...இனி மேட்டருக்கு வருவோம். இதுக்கு பெரிய ப்ரிப்பரேசன் எல்லாம் தேவையில்லை....

• இதை எப்ப வேணுன்னாலும் செய்யலாம்.


• தேவை வசதியா உக்கார ஒரு இடம்.


• உடம்பை தளர்வாக வைத்துக்கொள்ளவும்


• உங்களைச் சுற்றி அமைதியான சூழல் இருந்தால் நல்லது


• கைகளால் காதுகளை மூடிக்கொள்ளவும்


• கண்களை மூடி முடிந்தவரை மனதை வெறுமையாக்கவும்


• பார்வையை உள்முகமாக வைத்துக்கொள்ளவும்

அவ்வளவுதான்....இனி உள்ளுக்குள் ஏதேனும் ஒலி கேட்கிறதா என கவனியுங்கள், முதலில் பிடிபடாதுதான்...கொஞ்சத்தில் உள்ளுக்குள் ஏற்படும் ஒலிகள் உங்களுக்குபிடிபடும். அந்த ஒலிக்களை கவனிக்கத்துவங்குகள்.

பலவிதமான கலவையான ஒலிகளாக கேட்டது போக போக உங்களால் இனங்காணத்தக்க ஒலிகளாய் தெரியும். கடலலையின் சத்தம், ஆற்றின் சலசலப்பு, அடர்த்தியாக வீடும் காற்றின் சத்தம், உங்களின் இதயத்தின் ஒலி...என...புதுமையான அனுபவமாக இருக்கும். இவற்றில் லயித்து மனதை செலுத்தினால் நேரம் போவதே தெரியாது.

வாய்ப்புகிடைக்கும் போதெல்லாம் செய்து வாருங்கள்....பழக பழக அந்த அனுபவம் தரும் ஆறுதலை வார்த்தைகளால் சொல்வதை விட அனுபவிப்பதே சிறந்தது. இப்போது உங்களுக்கு மின்னல், முரசொலி, என பலவிதமான சூட்சும ஒலிகளை கேட்க ஆரம்பித்திருப்பீர்கள்.இந்த ஒலிகள் நீடிக்கும் போது ஒருவிதமான பரவசநிலையை உணரமுடியும்.

நாளொன்றிற்கு குறைந்தது 1 மணி நேரமென தொடர்ந்து செய்துவர நமது உடலில் உள்ள சக்கரங்களின் ஒலிகளையும் கேட்கலாம்.ஒரு கட்டத்தில் உங்களுக்கு ஒங்கார ஒலி கேட்கத்துவங்கும் பட்சத்தில் இந்த தியானநிலையில் நீங்கள் சித்தியடைந்ததாகவே கருதலாம்.

புது டெம்ப்ளேட்....

மஹா ஜனங்களே....

தமிழ் வலைப்பதிவுலகில் மறக்கமுடியாத நாள் இன்று. பின்னே இருக்காதா, பங்காளி கூட டெம்ப்ளேட்ட மாத்தீட்டான் பாருடா..ன்னு நேந்து பொறந்த அஞ்சலி, மழலையெலாம் மாஞ்சு மாஞ்சு பேசறாங்கன்னா அது நாள் சாதனை நாள்தானே....

ஒரு வழியா மாத்தீட்டோம் பாஸ், இது வரைக்கும் எவனும் இப்படி ஒரு கலர்ல டெம்ப்ளேட் போட்டதில்லை....ஹி..ஹி...இனி எவனும் இப்படி கேவலமா டெம்ப்ளேட் போடப்போறதுமில்ல.

ஆடிக்கொரு தடவ அம்மாவாசைக்கொரு தடவை உன் ப்ளாக் பக்கம் வரும்போதே இப்படி ஆடறியேன்னு உங்க மனசுக்குள்ள தோணுமே....ஹி...ஹி...ஆனா நாங்க இதுக்கெல்லாம் அசர்ற ஆளில்ல......என்ன செய்வீங்களோ தெரியாது...நம்ம ப்ளாக்குல ட்ராபிக்ஜாம் ஆவலன்னா....அப்புறம் அடிக்கடி டெம்ளேட் மாத்தி இம்சையாக்கிருவேன் என உறுதி கூறுகிறேன்.

போங்கப்பா....இதுக்கு மேல ஜல்லியடிக்கமுடியாது...

புது டெம்ப்ளேட் போட்டாச்சு...எப்படி இருக்குன்னு மொய் வச்சிட்டு போங்க..சரியா...

என்ன சொல்ல வர்றாங்கன்னா....

மேட்ரிமோனியல் காலம்...ஃப்ரெண்ட்ஷிப், டேட்டிங்...கேட்டிங்...னு இப்படி ஒருத்தன ஒருத்தன் ஏமாத்திக்கற ஏரியால....தாய்க்குலங்கள் உபயோக்கிகும் வார்த்தைகளுக்கு பொருளறிந்து உரைத்திருக்கிறார்....பாதிக்கப்பட்ட ஒரு அப்பாவி. தேவையானவங்க படிச்சு உசாராயிடுங்க....பாதிக்கப்பட்டவர்கள்...'அட, நம்மளயும் இப்படித்தானே கவுத்தினாய்ங்க' என பெருமூச்சு விடுங்கள்.

40-ish…………………………..49.
Adventurous…………………..Slept with everyone.
Athletic………………………….No breasts.
Average looking………………..Moooo.
Beautiful…………………………Pathological liar.
Emotionally Secure…………..On medication.
Feminist…………………………Fat.
Free spirit……………………….Junkie.
Friendship first………………….Former slut.
New-Age…………………………Body hair in the wrong places.
Old-fashioned…………………..No BJs.
Open-minded…………………..Desperate.
Outgoing…………………………Loud and Embarrassing.
Professional…………………….Bitch.
Voluptuous……………………..Very Fat.
Large frame…………………….Hugely Fat.
Wants Soul mate……………..Stalker.

தனியா போனப்ப.....

நுழைந்தால் ரமணாஸ்ரமத்தின் அரங்கு வா...வா...என்றது.விகடன் அரங்கில் நுழைந்த போது....ஹி..ஹி...அங்க ஆறடி ஒசரத்துல ஓங்குதாங்கா அம்சமா ஒரு தாய்க்குலம்.ம்ம்ம்ம்ம் இப்படி புள்ளைகள பாத்து எம்புட்டு நாளாச்சுன்னு பக்கதுல போய் நின்னு யார் ஒசரம்னு பாத்தேன்...ஹி..ஹி...நாமதாண்டா ஒசரம்னு தெரிஞ்சி....சின்னப்புள்ள கணக்கா அப்டி ஒரு சந்தோசம்....

அந்த புள்ள கையில ஏற்கனவே நெறய புத்தகம்...அவங்க அம்மா குடுத்த புத்தகத்த வாங்கும் போது தடுமாறி...எல்லாப் புத்தகத்தையும் கீழ போட....நான் எடுக்க...அது..."ஹைய்யோ நானே எடுத்துக்கறேன்னு"....தேன்சிதற....நான் கொடுக்க....ரொம்ப தேங்ஸ்னு வெட்கமாய் கண்களால் சிரிக்க....ஹைய்யோ...ஹைய்யோ..டிக்கெட் வாங்குன காசு இங்கியே செமிச்சிருச்சேடா...னு.....மனம் கவுண்டமணியாய் குதிக்க...ஹி...ஹி...இதெல்லாஞ் சொல்லி புரியவைக்க முடியாது....அனுபவிக்கனுமப்போய்....ஹி..ஹி.

விகடன்காரய்ங்களுக்கு தேங்ஸ் சொல்லனுமேன்னு ஆர்.கே நாராயணனின் "சுவாமியும் நண்பர்களும்", பொருளாதார கட்டுரைகள் அடங்கிய "காசு மேல காசு" வாங்கீட்டு அப்டியே கவிதாக்குள்ள போய் ருத்ரன் எழுதின புத்தகம் அஞ்சாற அள்ளீட்டு....அல்லயன்ஸ்ல.. சூர்யாவையும்,சிவக்குமாரையும் ஒரே கையில தூக்கிட்டு அடுத்தடுத்து.....என்ன வாங்கறோம்னு நினைப்புல்லாம பட்டிக்காட்டான் முட்டாய் கடய பார்த்த மாதிரி கண்ணுல கண்டதையெல்லாம் அள்ளீட்டு இருந்தேன்.

ஒரு கட்டத்தில்..."வந்த நோக்கமென்ன?...என்ன செய்துகொண்டிருக்கிறாய்,மடையா" என நமக்குள்ள இருந்த மதுரக்காரன் முழிக்க....அட அதானே....என சுதாரித்து வெளியே வந்து புத்தகங்களை காரில் கடாசிவிட்டு(கவனிக்கவும்!), இன்னொரு அய்ந்து ரூபாய் செலவில் மீண்டும் களம் புகுந்தேன்.

"ஆப்பரேஷன் பராக்குபார்த்தல்"...இப்பொழுது துவங்குகிறது....ஹி..ஹி..

கடைகளின் அளவும்...நடைபாதையும் அகலமாயயிருந்தாலும் ஏதோ குறைவாய் தெரிந்தது....என்னவென்று சொல்ல தெரியவில்லை. அடுத்த வருடம் சரிசெய்து விடுவார்கள் என நம்புவோம்....(ஆமா...என்னன்னு சொன்னாத்தான சரி பண்ணுவாய்ங்க!).

நிறைய பள்ளி மாணவர்களை கூட்டி வந்திருந்தனர்....அவர்கள் ஒழுங்காய் வரிசையில் போனது....கிண்டர் கார்டன் மாணவர்களை கழிவறைக்கு வரிசையாக கூட்டிச்செல்லும் காட்சியையொத்திருந்தது. சில ஆசிரியைகளை சுடிதாரில் பார்த்தது மகிழ்ச்சியாயும் ஆச்சர்யமாயும் இருந்தது.

ஆநேகமான எல்லா கடைகளுமே புத்தக கிடங்குகளைப் போலத்தான் காணப்பட்டது....புத்தகங்களை காட்சிப்படுத்துவதில் நேர்த்தியும் தேர்ச்சியும் அவசியம்....யாராவது சொல்லிக்கொடுத்தால் புண்ணியமாய் போகும்.

சோதிட புத்தகங்கள், சித்தர்களைப் பற்றிய புத்தகங்களை அடுத்தவருடம் தடை செய்தால் புண்ணியமாக போகும்....அநியாயத்துக்கு இவை சம்பந்தமான புத்தகங்கள்.

குழந்தைகள் புத்தக பதிப்பாளர்களுக்கென தனியே ஒரு வரிசை ஒதுக்கி அவர்களை Higilight செய்திருக்கலாம்....அடுத்தவருடமாவது செய்வார்களென நினைக்கிறேன்.

திராவிடன் பதிப்பகத்துல நெறய வாங்கினேன்....அத்தனையும் போன வருசம் வாங்கினதுதான்...படிச்சிட்டு தர்றேன்னு சொல்லீட்டு வாங்கீட்டு போன புண்ணியாத்மா மறந்துட்டார்....தங்கச்சி வீட்டுக்காரராய்டதால சட்டைய கோர்த்து புத்தகத்த கொடுய்யான்னு கேக்கமுடியாம அம்புட்டயும் திரும்ப வாங்கியாச்சு...(பாசக்கார பய...ம்ம்ம்ம்)

நம்ம பொன்ஸின் பதிவினை அச்செடுத்துசென்றிருந்தேன். அம்மனி எழுதியிருந்த ஒவ்வொன்றையும், மளிகை கடை லிஸ்ட்டை கையில் வைத்துக்கொண்டு பொருளைத்தேடும் அப்பாவிகளை போல சரிபார்த்துக்கொண்டே சென்றேன்.அம்மனி அநியாயத்துக்கு துல்லியமாய் கவனித்திருக்கிறார்.

அன்றைக்கு நான் வருவது தெரியாததால் தாய்க்குலங்களின் கூட்டம் மிகக்குறைவாகவே இருந்தது.(Mission Failiure என்பதை இதை விட கௌரவமாய் சொல்ல முடியாது...அவ்...அவ்..அவ்)

கடந்த வருடத்தை விட இந்த வருடம் புத்தகம் வாங்க என்னால் 40% அதிகம் செலவழிக்கப்பட்டது.வாங்கியதையெல்லாம் எப்ப படிக்கப்போறேன்னு தெரியல, போன வருசம் வாங்குனதுலயே இன்னும் அட்டய கூட பிரிக்காம நெறய இருக்கு.

இந்த பதிவினை வலையேற்றுவதற்கு முன் நடந்தது...

இன்று காலையில் அலுவலகம் வந்த போது வயதான அம்மணியொருவர் என்னை பார்த்தேயாகவேண்டுமென உட்கார்ந்திருப்பதாக சொன்னார்கள். திங்கட்கிழமை காலைகளில் எவரையும் சந்திப்பதில்லை....ஒரு நிமிடம் கொடுத்தால் போதுமென கெஞ்சுவதாக சொன்னார்கள்.சரி ஏதோ நன்கொடை விவகாரமென வரச்சொன்னேன்.

60 களை தாண்டிய முகம். அத்தனை வசதியற்ற ஒரு ஆதரவற்ற குழந்தைகள் மய்யத்தில் ஏதோவொரு பொறுப்பிலிருப்பவர்....என் கைகளை பிடித்துக்கொண்டு கண்கள் பணிக்க 'நீ நல்லாயிருக்கனுமய்யா'...என நெகிழ்ந்தார்.

நடந்தது இதுதான்...எங்க அம்மணி சுமார் 3000 மதிப்புள்ள புதிய புத்தகங்களை அவர்களுக்கு கொடுத்திருக்கிறார்.செய்வதையெல்லாம் செய்துவிட்டு எல்லா புகழும் அவருக்கேயென அம்மணி என்னை கை காட்டியதால் அதற்கு நன்றி சொல்லவே அவர் வந்திருந்தார். அப்போது இது பற்றிய விவரமெனக்கு தெரியாததால் என்னால் சரியாக React செய்யமுடியவில்லை.

பயன்படுத்திய பழைய, கிழிந்த புத்தகங்களை மட்டுமே பார்த்திருந்த அந்த குழந்தைகளுக்கு புதிய புத்தகங்கள் கொடுத்த கிளர்ச்சியையும் சந்தோஷத்தையும் அந்த அம்மையார் சொன்னகணத்தில் என்னால் ரசிக்க முடியவில்லை....இப்போது நினைத்தால் பாரமாயிருக்கிறது.

எத்தனையோ பணம் எதற்கெல்லாமோ வெட்டியாய் செலவு செய்கிறோமே அதை இப்படியும் பயன்படுத்தலாமென்பது உறைத்ததால்...இனி இப்படி புத்தகங்களை அடிக்கடி கொடுக்க வேண்டும்....செய்வதாக உத்தேசித்திருக்கிறேன்.இதை பீற்றிக் கொள்வதற்காகவோ...பெருமைபட்டுக் கொள்வதற்காகவோ எழுதவில்லை....பாரத்தை இறக்கிவைத்த உணர்வு.

அவர் போனபின் அம்மணியிடம்...என்ன இதெல்லாம்?...ஏன் முன்னாடியே இதப்பத்தி சொல்லல என கேட்டால்(ஹி..ஹி...கோவிக்கமுடியுமா என்ன)......அவர், அடப்பாவி எல்லாம் கேட்டுத்தானே செஞ்சேன்...எல்லாத்துக்கும்...செய் செய்னு சொல்லீட்டு....இப்ப என்ன ஆச்சு உங்களுக்கென கவலையாய் கேட்க....அப்போதுதான் நம்ம 'Selective Hearing' கான்செப்டால் வந்த வினையென நினத்துக்கொண்டேன்....ஹி..ஹி..நமக்கும்,நம்ம சுதந்திரத்துக்கும் பாதிப்பில்லாத விசயமென தெரிந்தால் அதன் பிறகு என்ன சொன்னனலும் காதில் வாங்கிய கணத்தில்...OK GOAHED....சொல்லிவிடும் அதிசயபிறவி நான்...ஹி..ஹி...

எது எப்படியோ போகட்டும்...இனி வாய்ப்பு கிடைக்கும் பட்சத்தில் இதுபோன்ற ஆதரவற்ற குழந்தைகளுக்கு புத்தகங்களின் வாயிலாக உதவ வேண்டியதன் அவசியத்தை உணர்த்திய புத்தககண்காட்சியினை நன்றியோடு நினைத்துக்கொள்கிறேன்.

ஸ்பைடர்மேண் - 3

ஸ்பைடர்மேந் - 3 ட்ரைலராம்.....பெரிசா இருக்கும்னு நினைத்தால் அதே பழையமாவு. முதல் பாகம் ஏற்படுத்திய எதிர்பார்ப்பும், வசூலும் அடுத்த பாகத்தில் குறைந்தது உண்மை. இப்படியிருக்க எப்படி இந்த மூன்றாம் பாகத்தினை எடுக்கிறார்க்ளென தெரியவில்லை. வர்த்தகரீதியாக மண்ணை கவ்வாமலிருந்தால் பெரிய விடயம் என நினைக்கிறேன்...இனி ட்ரைலரை பாருங்கள்.