நான் உன்னை நெனச்சேன்....

இந்த பாடலை காலத்தை வென்ற பாடலென்றோ...மாஸ்ட்டர்பீஸ் என்றோ தரம் பிரிக்க இயலாது...அத்தனை உயரத்தில் வைக்குமளவுக்கு நுணுக்கமான இசை கோர்வையோ, கவித்துவமான வரிகளோ இல்லை.பிரபல நடிகர்களும் இல்லை...இந்த படத்தின் பெயரைச் சொன்னால் அது எத்தனை பேருக்கு தெரியுமோ தெரியவில்லை.

படம்: கண்ணில் தெரியும் கதைகள், நடிகர்கள்: சரத்பாபு,வடிவுக்கரசி,ஸ்ரீபிரியா....இந்த பாடலின் தனித்துவமே...இதன் எளிமைதான்,அது பாடல்வரிகளாகட்டும்,இசையாகட்டும்,படமாக்கிய விதமாகட்டும் அத்தனையும் எளிமை.

இத்தனை எளிமைகளையும் தாண்டி இந்த பாடல் இன்றைக்கும் நினைக்கப்பட ஒரே காரணம் இதை பாடிய எஸ்.பி.பி,வாணி ஜெயராம்,ஜிக்கி இவர்களே காரணம். ஒருவருக்கொருவர் போட்டி போட்டுக்கொண்டு...காதல்,இயலாமை,துக்கம் என அத்தனை சோக உணர்ச்சிகளையும் தோய்த்தெடுத்து தந்த பாடல் இது.

பின்னிரவு நேரங்களில் மொட்டை மாடியில் இந்த பாடலை கேட்ட கணத்தில் கரகரவென வழிந்த கண்ணீர் சூட்டினை இப்போதும் உணரவைக்கிற மாயம் இந்த பாடலுக்குண்டு....காதலை மட்டுமே முன்வைத்து இயலாமல் என்னை கடந்து போய் இன்றைக்கும் என்னை நேசிக்கும் அத்தனை அன்பு உள்ளங்களுக்கும் இந்த பாடலை சமர்ப்பிக்கிறேன்....

(ர்ர்ர்ரொம்ப நாளைக்கப்புறம் பங்காளி...ஃபீல் ஆய்ட்டான்...கண்டுக்காதீங்க...ஹி..ஹி...)