ராஜீவ் - நினைவஞ்சலி

இன்று அமரர் ராஜீவ் நினைவு நாள். அன்னாரின் அரிய புகைபடங்கள் சிலதை பகிர்ந்துகொள்கிறேன்.

குப்பைகள்...

என் இனிய வலையன்பர்களே....

விதி யாரை விட்டது...என்னையும் விடவில்லை, அதன் விளைவாகவே குப்பைகள் என்கிற புதிய வலைபதிவினை துவக்கியிருக்கிறேன்.

இதன் காரணமாக "இட்லிவடை", "சற்றுமுன்" போன்ற வலைபதிவர்கள் கலக்கமடைய வேண்டாமென கேட்டுக்கொள்கிறேன்...ஹி..ஹி...இந்த வலைபதிவு யாருக்கும் போட்டியில்லை.

இங்கே இதுதான் பிரசுரிக்கப்படும் என்றெல்லாம் வரையறை தரமுடியாது...குப்பைகளை தரம் பிரித்து ரீசைக்கிள் பண்ணுவதும், ஒதுக்கிவிடுவதும் உங்கள்பாடு...

ஓக்கே....ஸ்டார்ட் ம்மீசிக்

சத்யசாய் பாபா இன்று கோவை வருகை

கொடைக்கானலில் இருந்து புட்டபர்த்தி செல்லும் வழியில், ஸ்ரீ சத்ய சாய் பாபா இன்று ( 18ம் தேதி ) காலை 11.00 மணிக்கு கோவை வருகிறார். ஆண்டுதோறும் கோடைக் காலத்தில் தமிழக பக்தர்களுக்கு தரிசனம் வழங்க வசதியாக, ஸ்ரீ சத்ய சாய் பாபா கொடைக்கானலில் இரண்டு வாரம் தங்குவது வழக்கம். கடந்த ஏப்., 26ல் மதுரை வழியாக கொடைக்கானல் வந்திருந்தார். காலை, மாலை இரண்டு வேளையிலும் பக்தர்களுக்கு ஆசி வழங்கினார்.

ஏராளமான வெளிநாட்டு பக்தர்களும் ஆசி பெற்றனர்.புட்டபர்த்தி அல்லது பெங்களூரூவில் ஸ்ரீ சத்ய சாய் பாபாவை அருகில் சென்று பார்க்க இயலாது. ஆனால், கொடைக்கானலில் பக்தர்கள் இருக்கும் இடத்துக்கே வந்து ஸ்ரீ சத்ய சாய் பாபா ஆசி வழங்கினார். மிக அருகில் இருந்து தரிசிக்கும் வாய்ப்பு இருந்ததால், பக்தர்கள் கூட்டம் அதிகமாக இருந்தது.

மூன்று வாரம் கொடைக்கானலில் தங்கியிருந்த சத்ய சாய் பாபா, இன்று ( 18ம் தேதி ) கொடைக்கானலில் இருந்து பழநி, உடுமலை, பொள்ளாச்சி வழியாக காலை 11.00 மணிக்கு கோவை வருகிறார். ஆவராம்பாளையத்தில் உள்ள ராமகிருஷ்ணா திருமண மண்டபத்தில், பக்தர்களுக்கு அருளாசி வழங்க உள்ளார். அதன் பின், மதியம் தனி விமானத்தில் புட்டபர்த்தி செல்கிறார்.

13 ஆண்டுகளுக்கு பின், ஸ்ரீ சத்ய சாய் பாபா கோவை வர இருப்பதால், கோவை பக்தர்கள் மிக ஆவலுடன் ஆசி பெற காத்திருக்கின்றனர்.

NASSCOM ON MARAN RESIGNATION

Mr. Dayanidhi Maran, who is reported to have resigned from the Union Cabinet on Sunday, has been a great champion and friend of the Indian IT sector. NASSCOM, on behalf of the Indian IT industry, would like to put on record its appreciation of the very positive and important role played by Mr. Maran in sustaining the growth of this industry over the last 3 years.

He has been instrumental in reinforcing India's position as the premier destination for IT outsourcing and in taking great interest in promoting the growth of the domestic market for IT. His efforts have resulted in India becoming an increasingly important location for the IT hardware industry also.

During his tenure, Mr. Maran has considerably strengthened the partnership between government and industry in promoting the IT sector in India. His role in bringing major and positive changes in the telecommunications sector have been of great significance to the IT software and services industry. It has also resulted in India becoming the fastest growing mobile telephony market in the world. We look forward to working as closely with Mr. Maran's successor as we did with him.

ரன்னிங் கமெண்ட்ரி கேட்ட அழகிரி

தினகரன் அலுவலகத்தில் ரவுடி கும்பல் நடத்திய கொலைவெறித் தாக்குதலை செல்போன் மூலம் ரன்னிங் கமென்ட்ரியாக கேட்டு ரசித்துள்ளார் அழகிரி.

வரலாறு காணாத அளவுக்கு வன்முறையை கட்டவிழ்த்துவிட்டு மதுரையே நிர்மூலமாக்கிய அழகிரியின் அடாவடித்தனத்தை கண்டு அவரது ஆதரவாளர்களே அதிர்ச்சி அடைந்துள்ளனர். தினகரன் அலுவலகத்தில் கொலைகார கும்பல் நடத்திய கொடூரத் தாக்குதல் குறித்து பெயர் வெளியிட விரும்பாத, அழகிரியின் ஆதரவாளர் ஒருவரே கண்கலங்க கூறியதாவது:

அழகிரியுடன் எப்போதும் ஒட்டிக் கொண்டிருக்கும் அரசு அதிகாரி பாஸ்கர். அவரிடம்தான் தினகரன் பத்திரிகையை எரிக்கும்படி அழகிரி கூறினார். அழகிரியின் ஆதரவாளர்களை தொடர்பு கொண்ட பாஸ்கர், Ôதினகரனை எரிக்க வேண்டும் என்று அண்ணன் சொல்கிறார். உடனே ஏற்பாடு செய்யுங்கள்Õ என்று கூறினார்.

அதன்பிறகே, பல இடங்களில் தினகரன் பத்திரிகையை எரித்தனர். மதுரை மட்டுமின்றி பல ஊர்களிலும் இதேபோல தினகரன் பத்திரிகைகளை கட்டுக்கட்டாக போட்டு எரித்தனர். Ôசொன்னதைச் செய்துவிட்டோம். பல இடங்களில் தினகரன் பத்திரிகையை நமது ஆட்கள் கொளுத்திவிட்டனர்Õ என்ற தகவலை அழகிரியிடம் பாஸ்கர் தெரிவித்தார்.

இதைக் கேட்டதும் அழகிரி, கோபத்தில் எரிந்து விழுந்தார். Ôதினகரனை கொளுத்துடான்னா, பேப்பரையாடா கொளுத்தறது. பத்து பேப்பரை கிழிச்சு எரிக்கிறதுதான் வீரமாடா? போங்கடா... போய் அந்த பத்திரிகை ஆபீசை கொளுத்துங்கடாÕ என்று திட்டினார். பயந்து போன பாஸ்கர், அழகிரி சொன்ன விஷயத்தை உடனே எல்லாருக்கும் போனில் சொன்னார்.

அவ்வளவுதான். அடியாட்கள், ரவுடிகள் எல்லாரும் கும்பல், கும்பலாக தினகரன் அலுவலகத்துக்கு படையெடுத்துச் சென்று சூறையாடினர். பெட்ரோல் குண்டுகளை வீசினர். அலுவலக வளாகத்தில் நின்றிருந்த வாகனங்களை எரித்தனர். ஊழியர்கள் மீது கொலை வெறித் தாக்குதல் நடத்தினர்.
காலை 9 மணிக்கு தொடங்கிய தாக்குதல் நான்கு மணி நேரம் நடந்தது. அழகிரியுடன் இருந்த பாஸ்கள், நிமிடத்துக்கு நிமிடம் அடியாட்களை செல்போனில் தொடர்பு கொண்டு என்ன நடக்கிறது என கேட்டபடி இருந்தார். அவர்களும் தங்களின் வீரபிரதாபங்களைப் பற்றி ரன்னிங் கமெண்ட்ரி போல செல்போனில் பாஸ்கரிடம் தெரிவித்தனர். அதை அப்படியே அழகிரியிடம் பாஸ்கர் சொல்ல, அதை அழகிரி கேட்டு ரசித்தார்.

"இதைத்தான்டா நான் எதிர்பார்த்தேன்" என்று கூறி சிரித்தார். அழகிரிக்கு எப்போதுமே சகிப்புத் தன்மை என்பது துளியும் கிடையாது. அதனால், சின்ன விஷயங்களுக்கு கூட, காட்டுமிராண்டித்தனமாக தாக்கச் சொல்வார்.

இவ்வாறு அழகிரி ஆதரவாளர் தெரிவித்தார்.

தகவல்- தமிழ்முரசு

நான் தி.மு.க தலைவராக இருந்தால்...

இன்றைய தினத்தில் நான் தி.மு.க தலைவராக இருக்கும் பட்சத்தில் கீழ்கண்ட நடவடிக்கைகளை அறிவித்திருப்பேன்...

1.கட்சியின் உள் கட்டமைப்புக்கு ஊறு விளைவிக்கும் வகையில் செயல்பட்டதால் சன் நெட்வொர்க் குழுமம் அன்னா அறிவாலயத்திலிருந்து செயல்படும் தார்மீக உரிமையை இழந்து விட்டது. எனவே உடனடியாக அறிவாலயத்திலிருந்து வெளியேற வேண்டும்..

2.கட்சிப் பணிகளில் இளைஞர்களை மேலும் தீவிரமாக ஈடுபடுத்தும் வகையில் மத்திய அமைச்சரவையில் சிறப்பாக செயல்பட்டு வரூம் திரு.தயாநிதிமாறன் கட்சி பணிகளுக்காக திரும்ப அழைக்கப்படுகிறார். அதன் காரணமாக அவர் தனது ராஜினாமா கடிதத்தினை பிரதமரிடம் சமர்ப்பிக்க கட்சி தலைமை கட்டளையிட்டிருக்கிறது.

3.மதுரையில் வன்முறையில் ஈடுபட்டதாக தெரியும் அனைத்து கழகத்தவர்களும் மறு அறிவிப்பு வரும் கட்சியிலிருந்து நீக்கி வைக்கப்படுகிறார்கள்.

4.திரு.அழகிரி நடந்த சம்பவங்களுக்கு தார்மீக பொறுப்பினையேற்று பாதிக்கப்பட்டவர்களிடம் வரூத்தம் தெரிவித்து தேவையான நஷ்டஈடுகளை செய்யவேண்டும். அதுவரை கட்சி கட்டுப்பாடுகளை மீறியதற்காகாஅவர் கட்சியில் இருந்து இடைநீக்க்கம் செய்யப்படுகிறார்.

இதை கலைஞர் செய்வாரா...?

நடந்த சம்பவங்கள் குறித்த அழகிரியின் பேட்டியாக தினமலர் தந்துள்ள செய்தி....

கருத்துக்கணிப்பு வெளியிட்ட ஜென்மங்கள் நேரில் வரட்டும்: மு.க. அழகிரி சவால்

மதுரை: கருத்துக்கணிப்பு வெளியிட்ட ஜென்மங்கள் நேரில் வரட்டும். யாருக்கு ஆதரவு என தெரிந்து கொள்ளட்டும் என முதல்வர் கருணாநிதி மகன் அழகிரி சவால் விடுத்தார்.
மதுரையில் நிருபர்களிடம் மு.க. அழகிரி கூறியதாவது: கருத்துக்கணிப்பு வெளிவந்த அந்த நாளிதழை நான் படிப்பதே இல்லை. தலைவர் (கருணாநிதி) மீது ஆணையாக இதை சொல்கிறேன். கருத்துக்கணிப்பு வெளியிட்ட "ஜென்மங்கள்' நேரில் வரட்டும். தமிழகம் முழுதும் அழைத்துச்செல்கிறேன். எனக்கு எவ்வளவு ஆதரவு, அந்த ஜென்மங்களுக்கு எவ்வளவு ஆதரவு என்பதை தெரிந்து கொள்ளட்டும். இதை யார் செய்தார்களோ அவர்கள் மீது தலைவர் நடவடிக்கை எடுக்கட்டும். ஏற்கனவே யாரோ தெரிவித்த தவறான தகவலின் அடிப்படையில் என் மீது நடவடிக்கை எடுத்தனர். அதே போல இப்போதும் நடவடிக்கை எடுக்க வேண்டும்.
நான் பதவிக்கு வர வேண்டும் என்ற எண்ணத்தில் இருந்தால் என்னை பற்றி கருத்துக்கணிப்பு எடுக்கலாம். கட்சிப் பதவியிலேயே நான் கிடையாது. இவ்வாறு இருக்கும் போது என் தம்பி (ஸ்டாலின்) இடத்திற்கு வரவேண்டும் என நான் எப்படி நினைப்பேன். கட்சிக்கு நல்லது செய்ய வேண்டும் என உழைக்கிறேன். எனவே கட்சி வளர்கிறது.
கருத்துக்கணிப்பை பார்த்து என் தம்பி என்னிடம் பேசி வருத்தப்பட்டார். அதை கண்டித்தார். தமிழ்ப் புத்தாண்டு அன்று தலைவரின் வாழ்த்துச் செய்தியை கூட அந்த நாளிதழ் வெளியிடவில்லை. நான் எதற்கும் ஆத்திரப்படவில்லை. பதவிக்கு வரவேண்டும் என்றும் எதிர்பார்க்கவில்லை. இந்த கருத்துக்கணிப்பை வெளியிட தேவையே இல்லை. இப்போது தேர்தலா வருகிறது? தேர்தல் நேரம் என்றால் நான் பதவிக்கு போட்டியிடுகிறேன் என்றால் கருத்துக்கணிப்பை வெளியிடலாம்.
"அவர்கள்' நிறைய பணம் வைத்துள்ளனர். பணத்தை வைத்து என்ன வேண்டுமானாலும் செய்யலாம், எதை வேண்டுமானாலும் வாங்கலாம் என நினைக்கின்றனர். அது தவறானது. தலைவருக்கு பொன்விழா நடக்க இருக்கும் இந்த நேரத்தில் அவருக்கு மனகசப்பையும், மனஉளைச்சலையும் ஏற்படுத்த வேண்டும் என்ற உள்நோக்கத்தில் கருத்துக்கணிப்பை வெளியிட்டுள்ளனர்.
பஸ்கள் மீது கல்வீச்சு நடந்தது பற்றி எனக்கு தகவல் இல்லை. அவர்களாகவே வேண்டும் என்றே இதை செய்திருக்கலாம். இவ்வாறு அழகிரி கூறினார்.

முத்தம் - அருஞ்சொற்பொருள் விளக்கம்...

இன்னிக்கு மெயில்ல வந்தது....ங்கொக்கா மக்கா இதெல்லாம் எங்கனதான் உக்காந்து யோசிப்பாய்ங்களோ தெரியலை. எல்லா அர்த்தமும் சரியாத்தான் இருக்கு....சரி வந்த சான்ஸ விட்றகூடாதுல்ல...அதான் வந்த மேட்டரவச்சி ஒரு மொக்கை பதிவு.

இன்னொரு காரணமும் இருக்கு...அதாவது நாளைக்கு வர்ற சந்ததிகள் பங்காளி ஒரு மொக்கை பதிவு கூட போடலைன்னு சொல்லீடகூடாது பாருங்க....அதான் இப்படியொரு முயற்சி...ஹி..ஹி

Professors of different subjects define the same word in different ways:

Prof. of Computer Science:
A kiss is a few bits of love compiled into a byte.

Prof. of Algebra:
A kiss is two divided by nothing.

Prof. of Geometry:
A kiss is the shortest distance between two straight lines.

Prof. of Physics:
A kiss is the contraction of mouth due to the expansion of the heart.

Prof. of Chemistry:
A kiss is the reaction of the interaction between two hearts.

Prof. of Zoology:
A kiss is the interchange of unisexual salivary bacteria.

Prof. of Physiology:
A kiss is the juxt a position of two orbicular ors muscles in the state of contraction.

Prof. of Dentistry:
A kiss is infectious and antiseptic.

Prof. of Accountancy:
A kiss is a credit because it is profitable when returned.

Prof. of Economics:
A kiss is that thing for which the demand is higher than the supply.

Prof. of Statistics:
A kiss is an event whose probability depends on the vital statistics of 36-24-36.

Prof. of Philosophy:
A kiss is the persecution for the child, ecstasy for the youth and homage for the old.

Prof. of English:
A kiss is a noun that is used as a conjunction; it is more common than proper; it is spoken in the plural and it is applicable to all.

Prof. of Engineering:
Uh, What? I'm not familiar with that term.

CHEENI KUM

வெளிவர இருக்கும் அமிதாப்பின் அடுத்த படமான CHEENI KUM(சர்க்கரை கம்மியா...). படத்தின் தகவல்களை மேய்ந்து கொண்டிருந்த போது,நம்ம முதல் மரியாதையை காஸ்மோபாலிட்டன் பாத்திரத்தில் பரிமாறுகிறார்களோ என்கிற எண்ணம் வராமலில்லை.படம் வெளி வந்த பின்னர் 'பங்காளி எப்படிடா உன்னால மட்டும் இப்படியெல்லாம் யோசிக்க முடியுது' என நீங்கள் உணர்ச்சி வசப்படும் நிலமை வந்தாலும் வரலாம்.

படத்தில் அமிதாப்பை லவ்வும் பெண்ணாக தபு நடித்திருக்கிறாராம்(யோவ்...அமிதாப், எங்கய்யா வச்சிருக்க அந்த மச்சத்த...).இவர்களை தவிர தபுவின் தந்தையாக வரும் பரேஷ் ராவல் இன்னொரு முக்கியமான கதாபாத்திரம்.



இந்த பதிவு எழுத காரணமே இந்த படத்தில் இருக்கும் முத்தமிழர்களே(மூன்று தமிழர்கள்).படத்தின் இயக்குனர் பால்கி எனபடும் பாலகிருஷ்ணன், இவர் Lowe India என்கிற மிகப்பெரிய விளம்பர நிறுவனத்தின் National Creative Director.

விளம்பர துறையில் 18 வருஷம் கொட்டை போட்ட பின்னர் இப்போது வெள்ளிதிரைக்கு வந்திருக்கிறார். இளையராஜாவின் தீவிர ரசிகரான இவர் தனது விளம்பரங்களில் இளையராஜாவின் இசையை உருவி(Inspiration...ஆம்) சாமர்தியமாக பயன்படுத்தியவர் என்கிற குற்றசாட்டு காலங்காலமாக சொல்லப்படுகிறது......

இந்நேரத்திற்குள் படத்தின் இசையமைப்பாளர் இளையராஜாவென கண்டுபிடித்திருந்தீர்களானால் மெய்யாலுமே நீங்கள் ச்சமத்துதான்....இளையராஜாவின் first major original Hindi film என விளம்பரபடுத்தியிருக்கின்றனர்...ஆச்சர்யமான செய்தி இல்லையா....ம்ம்ம்ம்.

மனிரத்னத்தின் மௌனராகமான 'மன்றம் வந்த தென்றலுக்கு மஞ்சம் வர நெஞ்சமில்லையா' பாடலின் மெட்டை அப்படியே பயன்படுத்தியிருக்கின்றனர்....இன்னொரு பாடலான 'ஜானே தோனா'பாடலும் இன்னொரு பிரபல தமிழ்பாடலின் மெட்டே...'குழலூதும் கண்ணனுக்கு குயில்பாடு பாட்டு கேக்குதா' சாயலிலும் ஒரு பாடல், ஒரே வித்தியாசம் இங்கே ஸ்ரேயா கோஷல் பாடியிருக்கிறார் அவ்வளவே....இசைஞானிக்கே இசை வறட்சியா....

படத்தில் இருக்கும் மூன்றாவது தமிழர் நம்ம PC.ஸ்ரீராம்...இவர் பெயரை பார்த்தவுடன்தான் படத்தை மிஸ் பண்ணீரக்கூடாது என தோன்றியது.

இதுக்கு மேலயும் படத்தப்பத்தி எழுதினா அப்புறம்...'படத்தோட வெளம்பர நிர்வாகத்த நீங்கதான் கவனிக்கனும்னு' படத்தோட தயாரிப்பாளர் நம்மள கெஞ்ச ஆரம்பிச்சாலும் ஆரம்பிச்சுருவார்..நாம இருக்கிற பிஸி..ல அதெல்லாம் நம்மால ஆவாது. அதுனால இந்த அளவில் உங்களிடம் இருந்து விடைபெற்றுக் கொள்கிறேன்.

படத்தின் இனைய தளம்....

காத்தோட பூவுரச....

1980ல் வெளிவந்த "அன்புக்கு நான் அடிமை" படத்தில் வரும் இந்த பாடலைபற்றிதான் இந்த பதிவு....ரஜினியையும், ரதியையும் தூக்கி ஓரம் வையுங்கள்.ரஜினி இந்த படத்தில் இந்த பாடலில்தான் மிக மோசமாய் இருப்பதாக நினைக்கிறேன். ரதியை பார்த்தால் ப்ளாஸ்டிக் பொம்மைதான் நினைவுக்கு வரும்.சிரித்தாலே போதுமென்று இந்த பஞ்சாப் அழகியிடம் யாராவது சொல்லியிருப்பார்கள் போலிருக்கிறது.....

பிரமாதாமான காட்சியமைப்போ,பின்னனியோ, நடனமோ இல்லை...இத்தனையும் மீறி இந்த பாடல் காலங்கடந்து நிற்க...இசையமைப்பாளரும், பாடிய எஸ்.பி.பியும்...சுசீலாவும்தான் காரணம்.



எளிமையான இசைகோர்ப்பு...SPB,சுசீலாவும் இழைந்து இழைந்து பாடியிருக்கும் அன்னியோன்யம்....பாடலில் ஒரு இடத்தில் கோடைக்கானல் குறிஞ்சி மலரின் ஜாதி....என SPB இழைவார் பாருங்கள்...கேட்டுப்பாருங்கள்...

பாடலை எழுதியது கங்கை அமரன் என நிணைக்கிறேன்...அவருக்கும் பாராட்டுக்கள்.....

நாம் பங்காளிகளே...

நமக்கு இங்க அத்தனைபேரும் பங்காளிகதான்....எல்லாருமே வேணும்தான், அதே நேரத்தில் தனிநபர்களின் செயல்பாடுகளை விருப்புவெறுப்பின்றி, மனசாட்சியின் பாற்பட்டு அணுகவேண்டுமேயொழிய...மதசாட்சியாக அணுகுவதை மனம் ஏற்கவில்லை.

தப்பு யார் செய்தாலும் தப்புதான்...அதை ஓருவன் செய்தால் அவனை இழிபிறவியென்றும், அதையே தான் செய்தால் யுக்தியென சொல்லிக்கொள்வதை அடிப்படை அறிவிருக்கும் யாரும் ஏற்றுக்கொள்ள மாட்டார்கள் என்பது திண்ணம்.

யாரையோ காப்பாற்ற, அந்த அசிங்கத்தை மறைக்க பிரச்சினையை திசைதிருப்பி தமிழ்மண திரட்டியின் மீது பாய்வதை என்னால் ஒப்புக்கொள்ள இயலவில்லை. பிரச்சினைகளை களத்தில் சந்திக்க வேண்டும், இதுதான் சாக்கென சேற்றை வாரி வீசிவிட்டு வெளியேறுவதை நான் எதிர்க்கிறேன்.

இதே தமிழ்மணம் மறுமொழி மட்டுறுத்தலை கொண்டுவந்த போது அதை மிக கடுமையாக எதிர்த்தவன் நான், அப்போது தமிழ்மணம் ஒரு சார்பாக(பெரியவர் டோண்டுவின் அபிலாஷைகளுக்கு ஆடுகிறது) இயங்குகிறது என எகிறிக்குதித்தவன் நான் மட்டுமே....சமயம் வாய்த்த பொழுதெல்லாம் என் நிலையை வலியுறுத்தி வந்திருக்கிறேனே தவிர தமிழ்மணத்தை விட்டு வெளியேறவில்லை.என் தரப்பு நியாயங்களை தனியனாக வலியுறுத்தி வந்தேன்.

இந்த பிரச்சினையில் தமிழ்மணம் மீது கூறப்படும் குற்றச்சாட்டுகளுக்கு, தமிழ்மண நிர்வாகம் ஏற்புடைய பதிலை அளித்தபின்னரும்...ஒவ்வொரு வார்த்தைக்கும் புதிது புதிதாய் அர்த்தங்களை கண்டுபிடித்து சேறு வீசும் அவலத்தினை கண்டிக்கிறேன்.

எனவே பிரச்சினைகளை பேசித்தீர்ப்போம் வாருங்கள்....தமிழ்மணத்தில் குறையிருப்பதாக கருதினால் வாருங்கள் விவாதிப்போம், அனைவருக்கும் ஏற்புடையதான தீர்வுகளை எட்டமுடியுமென நம்பிக்கையிருக்கிறது....

யார் இந்த ஜெயராமன்...?

வலைபதிவர் சந்திப்பு நடக்கவிருக்கும் இந்த நாளில் இந்த தலைப்பு தேவையில்லைதான்.இருந்தாலும் இந்த பதிவுக்கும் சமீபத்திய தமிழ் வலைபதிவுலக சம்பவங்களுக்கும் எவ்வித தொடர்பும் இல்லை என உறுதி கூறுகிறேன்.அதையும் மீறி இத் தலைப்பு யாருக்கேனும் வருத்தமளிக்கும் பட்சத்தில் எனது மனமார்ந்த வருத்தத்தினை சமர்ப்பித்து மேலே தொடர்கிறேன்.

'சக்கரவர்த்தி திருமகன்' என்கிற பதம் ஜெயராமனுக்கு பொருந்துமா?

வால்மீகியின் ராமாயணத்தின்ன் ஆராய்ச்சியாளர் திரு.டி.அமிர்தலிங்க அய்யர் அவர்கள் தனது "Ramayana Vimarsana" என்கிற நூலில் பக்கம் 27ல் ராமனின் தந்தை தயரதனை பற்றியும் அவனது கோசல நாட்டின் பரப்பளவு பற்றி பின்வருமாறு கூறுகிறார்.

"Dasaratha, the son of AJA of Ikshvaku dynasty rules a petty inhabited country named koshala. it was one of the three hundred and odd kingdoms which jotted the fair face of Arya Vartha,between the Himalayas and the southern face of the vindhyas, and the Indus and Rajamahal hills. It might have been in extent about the size of modern Tanjore District....he was no more a Chakravarthi than Chakravarthi Rajagopalachari. "

எனவே சக்கரவர்த்தி திருமகன் என்கிற பட்டம் ராமனுக்கு எத்தனைதூரம் பொருந்தும் என்பதை நீங்களே முடிவுசெய்து கொள்ளுங்கள்.

பரதனுக்குத்தான் அரசுரிமை என்பது ஆரம்பத்திலேயே ராமனுக்கு தெரியுமா?

திரு.அமிர்தலிங்க அய்யர் தனது நூலில் ராமனுக்கு இது ஆரம்பத்திலேயே தெரியுமென்கிறார், தெரிந்தும் தனது தந்தையின் விருப்பத்தை ஏற்றுக்கொண்டான் என்கிறார்.தனது நூலில் பக்கம் 402ல் இது குறித்து பின்வருமாறு எழுதுகிறார்.

"That Rama knew about the promise made by Dasaratha to Kaikayee and her father, that the son born of her womb shall succeed to the throne, seems to be fairly certain. When Rama tells Bharatha of it in Chithrakoota, what was the source of his knowledge. It must have been the general talk of the city. Kausalya also suggests that all the harem knew of it. When dasaratha told Rama 'That very time when Bharatha was sent out of the city, the time had come for your coronation'.These words must have sharply reminded Rama of Bharatha's rights.Then why did not Rama remind his father,that his proposal was against the truth? Why did he accept the offer?"

மனைவியை பிரிந்த அவதாரபுருஷன் ஜெயராமனின் மனநிலை எத்தகையதாக இருந்தது?

வால்மீகியின் ராமாயணத்தின் ஆராய்ச்சியாளர் திரு.அமிர்தலிங்க அய்யர் இது குறித்த தனது பார்வையினை தனது நூலில் 406ம் பக்கத்தில் பின்வருமாறு குறிப்பிடுகிறார்.

"I Infer that Rama was not in a proper frame of mind like unto a monomaniac, till he actually landed at the head of a huge army on the outskirts of Lanka, and felt that he was in a fair way to be united with his wife.He behaved sanely in all matters which didnot intrude upon his obsession. Else he raves and rants, dosenot reason. What strikes him as the quickest and easiest way the shortest path must be trodden, good or bad, righteous or unrighteous.Whatever helps him is the righteous path; it is in such a frame of mind that Rama assassinated Vali"

இராவணனை போரில் வென்றவன் வாலி...அப்படியிருக்க அவன் உதவியை நாடாமல் காட்டுக்குள் மறைந்து வாழ்ந்த சுக்ரீவனை நாடியது ஏன்?

நியாயமான கேள்வி, மனைவியை மீட்க வேண்டி காட்டில் அலைந்து திரிந்த ராமனிடம் மாதங்க முனிவரின் ஆசிரமாத்திலிருந்த சவரி என்கிற மூதாட்டி, சுக்ரீவன் உனக்கு உதவலாமென கூறி அவன் மறைந்திருக்கும் இடம்பற்றி கூறுகிறாள்.சவரிக்கு நிச்சயமாய் வாலி-சுக்ரீவன் கதை தெரிந்திருகும், அவள் ஏன் வாலியைப் பற்றி சொல்லவில்லை அல்லது அவள் சொல்லி ராமன் சுக்ரீவனை தேர்ந்தெடுத்தானா என்பது விவாதத்திற்குறியது.

தனியனான ராமண்தான் சுக்ரிவன் இருக்குமிடம் தேடிச் செல்கிறான்...."கையறு துயரம் நின்னால் கடப்பது கருதி வந்தேம்" என இறைஞ்சும் குரலாகவே கம்பரும் ராமனை காட்டுகிறார்.ஆனால் சுக்ரீவனோ புத்திசாலித் தனமாய் தன் தமையனை வீழ்த்த தனக்கு கிடைத்த அடியாளாக ராமனை பார்க்கிறான். அவனை நைச்சியம் பண்ணும் வகையில் உன்னை சரணடைந்தேன் என்கிறான்.ராமனும் நீதி நியாயங்களை பற்றி யோசியாமல் சுக்ரீவனிடம் "போனவை போகட்டும் இனி உனக்கு துன்பம் எது வந்தாலும் காப்பேன்" என்கிறான்.

இதை திரு.அய்யர் தன் பார்வையில் இவ்வாறு கூறுகிறார்.பக்கம்260

"He thinks that vali is the obstacle in his way.How to get back seetha. If I go to vali I must go as a suppliant.I would have to bide his time and pleasure. If I kill vali and anoint sugreeva on the throne, sugreeva,apart from fear,out of gratitude will become my slave.Even if vali helps me he will take all the credit of recovering seetha.Where goed my fame and prestige.So,he made up his mind.There is no question of right or wrong, punya or papa "

சம்பூகனை ஜெயராமன் ஏன் கொன்றான்? அது சரியா?

சுக்ரீவனின் உதவி தேவைப்பட்டதால் வாலியை கொன்றான் என சப்பைகட்டு கட்டினாலும், ஒரு தவறும் செய்யாது காட்டில் தவம் செய்துகொண்டிருந்த சம்பூகனை ராமன் ஏன் கொல்ல வேண்டும். இது பற்றியும் திரு.அய்யர் அவர்களின் நூலில் 386ம் பக்கத்து வரிகளிலேயே பார்ப்போம்.

"The Disgusting story of the Brahman with the 5000 year old dead child. He accuses Rama that his child must have died at that early age insted of the usual 100,000 owing to some sin or negligence of duty by Rama.Rama in consternation seeks advice.Then the arch propounders of lies Naradha the devarishi and Agasthya the Brahmarishi,thell hism that,'a sudhra is performing thapas on the slopes of the vindhyas in your territory; an atrocious sin punishable with death'.Rama like a Creadulous fool lost his reasoning powers, called the pushpaka, went to sampooka(that is the name of the sudhra) and cut off his head and heypres to the child of the brahman revived at the very instant".

இந்த பதிவு ஜெயராமனை பற்றிய முழுமையான பார்வை இல்லை....ஒரு குறிப்பிட்ட நூலின் வழியே ராமணை அனுகியிருக்கிறேன் அவ்வளவே....இதிலுள்ள நியாய அநியாயங்களை உங்களின் முடிவிற்கே விட்டுவிடுகிறேன்.....

ஸென் - வாழ்க்கை

ஸென் - ஒரு எளிய அறிமுகம்
ஸென் - என்ன சொல்கிறது.
ஸென் - தேடல்
ஸென் - இரு தத்துவங்கள்

---

வாழ்க்கை ?

பிறப்புக்கும் இறப்புக்கும் இடையே உள்ளது...தொட்டுத் தொடரும் நிகழ்வுகளின் ஊடான பயணம்...நிஜமும்,நிழலுமான காரணிககளின் தன்மைகள், குறுக்கீடுகள்,விளைவுகளுக்கு தனி நாம் தரும் பிரதிபலிப்புகள்தான் வாழ்க்கை....

இப்படி வாழ்க்கையின் அர்த்தம் சொல்வது இப்பதிவின் நோக்கமில்லை. அதை பற்றி இங்கே பேசப்போவதுமில்லை. வெறுமனே சில கேள்விகளை மட்டும் வைக்கிறேன்...யோசித்துப் பாருங்கள் விடைகள் புலப்படலாம்.....

வாழ்வின் ஆரம்பத்தில் எப்படி இருந்தீர்கள்?....

அப்போது வாழ்வியலின் பொதுவான நிபந்தனைகள், நிர்பந்தங்களுக்கு கட்டுப் பட்டா வாழ்ந்தீர்கள்?

கண்கள் விரிய ஆசை ஆசையாய் தெரிந்ததையெல்லாம் பாரபட்சமில்லாமல் எல்லோருடனும் பகிர்ந்து கொண்டு, வலியையும் வேதனையையும் மறைக்காது வீரிட்டு அழுது புரண்டு ஒவ்வொரு கணத்தையும் ரசித்து ரசித்து வாழ்ந்தீர்களே நினைவிருக்கிறதா?

வளர வளர இதையெல்லாம் இதையெல்லாம் எப்படி மறந்தீர்கள் அல்லது ஏன் மறுத்தீர்கள்?

இறுக்கம் சூழ்ந்த தனித்தீவாய் உங்களை மாற்றியது எது?

இதற்கெல்லாம் நீங்கள்தான் பதில் சொல்லவேண்டும்...யோசியுங்கள்.

தேவைகளுக்கும்,ஆசைகளுக்கும் இடையேயான வித்தியாசம் நம்மில் எத்தனை பேருக்கு தெரியும்?

தேவைக்கும்,ஆசைக்கும் இடையே வேறுபாடு அதிகமாகும்போதுதான் சிக்கல் ஆரம்பிக்கிறது என்பதை எத்தனை பேர் உணர்ந்திருக்கிறோம்?.

தேவைகள் மனிதனை இயல்பில் வைத்திருக்கும்....ஆசையோ மனிதனை அச்சத்தின் பிடியில் வைத்திருக்கும் என்பதையாவது உணர்ந்திருக்கிறீர்களா?

காம(Lust), க்ரோத(Anger), லோப(Greed),மோஹ(Self Love),அஹங்கார்(Ego) என்கிற ஐங்கூறுகளை விலக்குதல் சாத்தியமா? உங்களால் அது முடியுமா?

இவையொன்றும் கடினமான கேள்விகள் இல்லை...ஆனால் இந்த கேள்விகளை நாம் தவிர்த்து விடுகிறோம். சமயம் கிடைக்கும் போதெல்லாம் இது மாதிரியான கேள்விகளை உங்களுக்குள்ளே எழுப்பி பாருங்கள்.....

எல்லா பதில்களும் நம்மிடம்தான் இருக்கிறது, அதை தெரிந்து கொள்ள சரியான கேள்விகள் இல்லாததுதான் குறை என ஸென் சொல்கிறது....

மயக்கும் மந்திரா....

தாய்மார்கள், குழந்தைகள் இந்த பதிவினை தவிர்க்கவும்....

உலகக் கோப்பை தோல்வியில் மனம் நொந்து நூடுல்சாகியிருக்கும் கோடானுகோடி ரசிகப் பெருமக்களே...நமக்கெல்லாம் ஆறுதல் சொல்லும் வகையில் மந்திராபேடி அருளிய தர்ம தரிசனத்தை உங்களோடு பகிர்ந்து கொள்கிறேன்.........

ஹி..ஹி...மந்திராவை இதுக்கு முன்னால இப்படி யாரும் பார்த்திருக்கீகளா


ச்ச்சும்மா சொல்லக்கூடாது நல்லாத்தான் படம் புடிச்சிருக்காய்ங்க....ம்ம்ம் கொடுத்து வச்ச போட்டோக்கிராபர்.....



ஒன்னுஞ் சொல்றாப்ல இல்ல...பாருங்க...பாருங்க...பார்த்துட்டே இருங்க....:-)))


படத்த கிலுக்கி பாருங்கப்பா எல்லாம் பெரிசாத் தெரியும்....:-)))



இதுக்கெல்லாம் எம்புட்டு காசு குடுத்துருப்பாய்ங்க....ம்ம்ம்ம்...யாருக்காவது தெரிஞ்சா சொல்லுங்கப்பு


கொடுத்து வச்ச செடிகொடி.....நமக்கில்ல...நமக்கில்ல...ம்ம்ம்ம்ம்ம்

அம்புட்டுத்தேன்....பார்த்தமா சந்தோசப்பட்டமா...மறந்தமான்னு அடுத்த வேலயப்பார்த்துட்டு போய்ட்டே இருக்கனும்...சரியா....எல்லாம் மாயை மக்கா....புரிஞ்சிக்கங்க.....

அம்புட்டும் அழகு...

கள்ளழகர்

மதுரைக்காரனை அழகு பத்தி எழுதச்சொன்னால் முதலில் இந்த ஆசாமிதான் நினைவுக்கு வருவார்....நினைவு தெரிந்த நாளில் இருந்து,வீட்டருகில் நடக்கும் எதிர்சேவையில் இந்த அழகனை நெருக்கமாய் பார்க்கிறேன்...கடவுள் என்பதையெல்லாம் தாண்டி ஏதோ நெருங்கிய உறவினரைப் பார்ப்பதைப்போல ஆனந்தம் தரும் நிமிடங்கள் அவை......

திருவிழா சமயத்தில் கள்ளழகராய் ஊருக்குள் வரும் அவருக்கு கிடைக்கும் ஆர்ப்பாட்டமான வரவேற்பினையும், உற்ச்சாகத்தையும் வருடக்கணக்காய் பார்த்ததனால் சொல்கிறேன்.....கள்ளழகர் நிச்சயமாய் கடவுளாய் இருக்கமுடியாது,சாதாரண மக்களோடு மக்களாய் வாழ்ந்த மகத்தான மனிதனாய்த்தான் இருந்திருக்க வேண்டும்..

அன்னை மீனாட்சி

எல்லோருக்கும் தெரிந்த அழகிதான் இவள்.....எங்க ஆத்தா என ஓங்கிச்சொல்லும் உரிமை எங்களுக்கு மட்டுமேயானது. எங்கே சுத்தினாலும் கடைசியில் இவ காலடியிலதான் வந்து முடங்கிப் போவோம்.

தீவிர நாத்திகனாய் இருந்த காலத்திலும்கூட வெறுக்காத அழகியென்றால் அது மீனாட்சிதான்.... இதழடியில் கசியும் அந்த புண்ணகையும், மின்னும் மூக்குத்தியும், சரிந்து நிற்கும் ஒயிலும்.....வார்த்தைகளால் விவரிக்க முடியாத பேரழகு...

வேஷ்டி

தமிழனின் பாரம்பரிய உடைதான் மூன்றாவது அழகு....ஆயிரம் சொல்லுங்கள் வேஷ்டியில் கிடைக்கும் கம்பீரமே தனிதான்....கல்யாணத்தன்று மட்டுமே வேஷ்டி கட்டுமளவுக்கு தமிழினம் தேய்ந்து போயிருக்கிறது என்பது கவலையான ஒன்று. இப்போதெல்லாம் வாரத்தில் குறைந்தது ஒரு நாளாவது வேஷ்டி கட்ட ஆரம்பித்திருக்கிறேன். ஆரம்பத்தில் வீட்டில் பயங்கர எதிர்ப்பு....ஆற்டி உசரத்தில் ஆஜானுபாகுவா, தெலுங்கு பட வில்லன் மாதிரி இருப்பதாகவெல்லாம் அம்மனியால் கேலி செய்யப்பட்டேன்.

இப்போது எதிர்ப்பு குறைந்திருக்கிறது....வேஷ்டி கட்டினால் ஒன்று அவன் மிகப்பெரிய ஆளாக இருக்க வேண்டும் அல்லது பாமரனாக இருக்கலாமென்கிற மனப்போக்கு பொதுவில் நிலவுவதை கவனித்திருக்கிறேன். திரும்பவும் எல்லோரும் வேஷ்ட்டி கட்டும் காலமொன்று நிச்சயமாக வரும்.

காதலி...

காதலி எப்போதும் அழகுதான்...அதிலும் கோவிக்கும் காதலி பேரழகி...அம்மனியே காதலியாய் இருப்பதால் பேரழகியோடு(புரியுதா!) வாழும் பாக்கியவான் நான்....

நான்..

என்னைச் சொல்லாமல் இந்த வரிசை முடிவடையாது....முதலிலேயே வந்திருக்க வேண்டியது, தன்னடக்கம் காரணமாய் கடைசியில் வருகிறேன். புற அழகு ஏற்கனவே பெற்றோர் வழியே தீர்மாணிக்கப் பட்டது, வேண்டுமானால் ஒப்பனை செய்து படம் காட்டலாம், அதுவும் ரொம்ப நாளைக்கு முடியாது. ஆனால் அக அழகினை நானே தீர்மானிக்கிறேன். அதை வார்த்தெடுக்கவும், வளர்த்தெடுக்கவும் என்னால் முடியும். இந்த அழகினை என் வாழ்நாள் தாண்டியும் நிலைக்கச் செய்யும் வாய்ப்புகள் எனக்கு இருக்கிறது.

சமூகம் ஒருவனை அழகனென்றோ, பணக்காரனென்றோ, குரூபியென்றோ பதிவுசெய்வதில்லை....நல்ல மனுசன்/கெட்ட மனுசன் என்றுதான் சொல்கிறது....மனசை வைத்தே நாம் அடையாளம் காட்டப்படுகிறோம்....அந்த மனதை அழகாகவே வைத்திருக்கிறேன், இன்னும் அழகாக்க நேர்மையாக முயற்சி செய்கிறேன் என்கிற வகையில் நானும் அழகன்தான்....ம்ம்ம்ம்ம்

ஆகாய கங்கை...

தர்மயுத்தம் படத்தில் வரும் இந்த பாடலை நீங்கள் பலமுறை கேட்டிருப்பீர்கள்...பார்த்திருப்பீர்கள், அருமையான இளையராஜாவின் இசை, இளமைத்துடிப்புடன் ரஜினி....அழகிய ஸ்ரிதேவி.....இதைத்தாண்டி இந்த பாடலில் இருக்கும் இன்னொடு ஸ்வாரஸ்யமான விசயத்துக்காகத்தான் இந்த பதிவு.....

தர்மயுத்தம் படப்பிடிப்பு முடிவடைந்து இந்த பாடல் மட்டுமே படமாக்கவேண்டிய நிலையில், படப்பிடிப்பின் போது நடந்த விபத்தொன்றினால் ஸ்ரிதேவியின் கால் முறிவு ஏற்பட்டு நடக்கமுடியாமல் வீட்டில் முடங்கிவிட்டார். க்தாநாயகன் ரஜினிக்கோ டைபாய்டு காய்ச்சல்....ஒரு கட்டத்தில் இந்த பாடலை படத்திலிருந்து நீக்கிவிடலாமென்றே முடிவு செய்தனராம்.....



ஆனால அருமையான இந்த பாடலை இழக்க விரும்பாத இயக்குனர் ஒரே ஒரு நாள் படப்பிடிப்புக்கு வநதால் போதுமென கெஞ்சி கூத்தாடி இருவரையும் வரவைத்து இந்த பாடலை படமாக்கினராம்....இப்போது பாடலை கவனித்து பாருங்கள்...பாடல் முழுக்க ஸ்ரிதேவி சக்கர நாற்காலியிலோ அல்லது தரையில் உட்கார வைக்கப்பட்டு வெறும் முகபாவனைகளை வைத்தே இயக்குனர் பாடலை ஒப்பேற்றியிருப்பது தெரியும்....காய்ச்சலில் கிடந்த களைப்பு ரஜினியிடம் தெரிவதையும் கவனியுங்கள்....


சமீபத்தில் திரையுலகைச் சேர்ந்த ஒரு நண்பர் தந்த செய்தி இது....ஸ்வாரஸ்யமாயிருக்கிறதல்லவா....!
இப்போது பாடலை ரசியுங்கள்....

தசாவதாரம் படங்கள்....

ஆளாளுக்கு மாய்ந்து மாய்ந்து சிவாஜி பட ஸ்டில்களை போட்டுக்கொண்டிருக்கும் வேளையில் நம்ம கண்ணில் தசாவதார பட ஸ்டில்கள் சிக்கியது. கமல் ரொம்ப இளமையாக தெரிகிறார்.

மக்களே! நான் கமல் ரசிகன் இல்லை....அனால்....போங்கப்பா எல்லாத்தையும் சொன்னாத்தான் புரியனுமா....தலைவியோட சைட்டுக்குள்ள போய் பாருங்க....டென்சனாய்டுவீங்க.......ஹி..ஹி...

ஸென் - இரு தத்துவங்கள்

ஸென் - ஒரு எளிய அறிமுகம்
ஸென் - என்ன சொல்கிறது.
ஸென் - தேடல்

---

இந்த பதிவில் இரண்டு குட்டிக் கதைகளின் வழியே ஸென் கூறும் இரு தத்துவங்களை பற்றி பார்ப்போம்.

இளைஞன் ஒருவன் சிறிய பறவையினை பிடித்து வைத்துக்கொண்டு, தன் குருவிடம் "ஐயா, எனது கையில் இருக்கும் பறவை உயிருடன் இருக்கிறதா இல்லை இறந்து விட்டதா கூறுங்கள்" என்றான்.குருவை மடக்கி விட்டதாக அவனுக்குள் சந்தோஷம்....

குரு அவனை அமைதியாக பார்த்து இவ்வாறாக கூறினார்...."இளைஞனே...நான் பறவை இறந்து விட்டதாகக் கூறினால் அது உயிருடன் இருப்பதை காட்ட சுதந்திரமாக பறக்க விடுவாய், அதே நேரத்தில் உயிருடன் இருப்பதாய் கூறினால் அதன் கழுத்தை திருகி இறந்த பறவையை என்னிடம் காட்டுவாய்" என்றார்.

இளைஞன் வெட்கத்தில் பறவையை கைவிட்டான்...

குரு மேலும் சொன்னார்..."பிறப்பும் இறப்பும் உன் கைகளில்தான் இருக்கிறது"

"Its not your intelligence, but it is the direction of your intelligence that defines your life"

இனி அடுத்த கதை...

இரண்டு இளம் துறவிகள் வேகமாய் ஓடும் ஆற்றை கடக்க எத்தனித்துக் கொண்டிருந்தனர். அப்போது அங்கே வந்த அழகிய இளம் பெண் ஒருத்தி ஆற்றை கடக்க துறவிகளிடம் உதவி கேட்டாள்.

முதல் துறவி தயங்கியவேளையில், இரண்டாவது துறவி தயக்கமில்லாது அவளை தன் தோளில் சுமந்து ஆற்றை கடந்தான். அவளும் நன்றி கூறி தன்வழி போனாள். துறவிகளும் தங்கள் பயணத்தினை தொடர்ந்தனர்.

முதல் துறவி பொறுக்க மாட்டாமல் இரண்டாமவனிடம், "சகோதரனே! நமது ஆன்மீக பயிற்சியில் பெண்களுடன் எந்த தொடர்பும் வைத்துக் கொள்ளக்கூடாது என்பதே வலியுறுத்தப் படுகிறது...நீ அதை மீறி அந்த பெண்ணை எப்படி தோளில் சுமக்கலாம்" என கோபப்பட்டான்.

இரண்டாமவன், சலனமில்லாத முகத்துடன் சொன்னான்..."நான் அவளை ஆற்றின் கரையிலேயே இறக்கி விட்டு விட்டேன்...நீயோ இன்னமும் அவளை சுமந்து கொண்டிருக்கிறாய்"

"Yesterday was over Yesterday. Life should be a forward progression and not a backward regression. Save your future from the clutches of your past."

ஸென் - தேடல்

ஸென் - ஒரு எளிய அறிமுகம்
ஸென் - என்ன சொல்கிறது.

---

"You are a citizen of two worlds - the inner and outer.There should be a bridge between these two worlds"
-Swami Rama

இல்லாத ஒன்றை தேடுவதுதானே உண்மையான தேடலாக இருக்கமுடியும்.இல்லாதது என நிஜத்தில் எதுவுமே இல்லை.....எல்லாமே இருக்கிறது, நமக்கு அது தெரியாததால் அதை தேடல் என்கிறோம்.

தேடுபொருட்கள் புதிதாய் எங்கிருந்தும் முளைக்கவில்லை, இங்கேதான் எங்கேயோ இருக்கிறது. சரியான தேடலும், தேடுபொருளும் ஒன்றாய் நேர்கோட்டில் இனையும் போது உற்சாகிக்கிறோம். இது தற்செயலாகவும் நடக்கலாம், ஆசை, நிர்பந்தம்,அச்சம் போன்ற காரணிகளாலும் இருக்கலாம்.

தேடுபொருள் எதுவாகவும் இருக்கலாம்,அதற்கு இலக்கணங்கள் இல்லை, கடவுள் தொடங்கி காமம், பொருள்,புகழ்,அதிகாரம்,போதை என விரிவது எப்போதும் தனிமனிதனின் வசதியாகவே இருந்துவருகிறது. வேண்டியதையும் தேடுகிறோம், வேண்டாததையும் தேடுகிறோம்......

ஸென் சொல்கிறது.....'தேடாதே'

ஆம்...வெளியில் தேடாதே, எல்லாவற்றையும் உனக்குள் தேடு என்கிறது. இதை இந்திய தத்துவவாதிகள் 'சுயதரிசனம்' என்கின்றனர். தன்னைத்தானே தேடி தரிசனம் பெறுவது அத்தனை எளிதில்லை, அது ஒரு தவம்....சிலருக்கு தவம் மட்டுமே வாய்க்கும், சிலருக்கு வரங்களும் கிடைக்கலாம். ஆனால் தேடல் உண்மையானதாய் இருக்க வேண்டும்.

நண்பர்களே...தேடுவதற்கு தீர்மாணம் மட்டுமே போதுமானது. அறிந்துகொள்ள பக்குவம் வேண்டும் அவ்வளவே.அதாவது ஒலியினை கேட்கும் காதுகளும் அதன் அர்த்தத்தை உணரும் மனதினையும் போல.....

சரி....உள்ளுக்குள் எதை தேடுவதாம்? எதை வேண்டுமானாலும் தேடலாம்....இதுதான் வேண்டுமென இலக்கில்லாமல் எதை வேண்டுமானாலும் தேடலாம். தேடலின் விளைவாய் உண்மைகள் புலப்பட ஆரம்பிக்கும், இந்த உண்மை எங்கே இருக்கும்?, ஒருவேளை மனதின் மையத்தில் இருக்குமா....அதைத்தான் இவர்கள் கடவுள் என பெயரிட்டு அழைக்கிறார்களோ?...

ஸென் மேலோட்டமான விஷயமில்லை.....அதன் ஆழம் நோக்கி பயணிக்க பயணிக்க வசீகரமாய் விரியும் சுஹானுபவம். மேலும் விவரங்களுடன் அடுத்த பதிவில் சந்திப்போம்.

கடவுள் பாதி...மிருகம் மீதி.....

மக்களே மொதல்லயே சொல்லீர்றேன், இதுக்கெல்லாம் முழுக்காரணம் நம்ம மங்கைதான். இத படிச்சிட்டு நீங்கள் அடையப்போகும் எரிச்சல், மன உளைச்சல்...இத்யாதி இத்யாதிகளுக்கெல்லாம் அவர்தான் காரணம்....

(பின்னே நமக்குள்ள தூங்கீட்டு இருந்த மிருகத்த எழுப்பி விட்டதுக்கான பலனை அம்மனி அனுபவிக்க வேனாமா...ஹி..ஹி...)

ஓக்கே...ஸ்டார்ட் ம்மீசிக்....

முதல்ல உங்களுக்கு ஒரு அதிர்ச்சியான உண்மை...

மெய்யாலுமே நான் கடவுள், நம்புறதுக்கு கஷ்டமாத்தான் இருக்கும், என்ன பண்றது அதான் உண்மை.உங்களுக்கு சந்தேகமிருந்தா சோதித்து பாருங்கள்.....என்னை நம்புகிறவர்களுக்கு அடுத்த மூன்று நாட்களில் நல்ல சேதியொன்று வரும்...நம்பாதவர்களுக்கு.....ஹேய் நம்புங்கப்பா....

அடுத்து....

நான் ரொம்ப மோசமான, மூர்க்கமான காமுகன்...ஹி..ஹி...டென்சனாவாதீங்கோ...ஒரு எழுத்து மிஸ்ஸிங்...இப்ப நல்லா படிங்க..."கார்முகன்". அதென்னவோ கார்னா அப்படி ஒரு கொலவெறி...பன்னெண்டு வயசுல மொதமொதலா ஸ்டீயரிங் பிடிச்சி அப்பாகிட்ட தர்ம அடி வாங்கி...இப்ப இருவத்தி அஞ்சு வருசமாச்சி.....இன்னும் தீரலை.இன்னிக்கு மார்கெட்ல நான் ஓட்டாத காரே இல்லைன்னு சொல்லலாம்.அத்தனையும் வாங்கி ஓட்டியாச்சி...கொளுப்பெடுத்த பயபுள்ளன்னு தோணுதா....ஹி..ஹி..., வீட்லயும் திட்டிப்பார்த்துட்டு தண்ணி தெளிச்சி விட்டுட்டாக....ஹி..ஹி...இப்ப எத்தன வண்டி வச்சிருக்கேனு சொன்னா பீத்திக்கிற மாதிரி இருக்கும்,அதுனால வேணாம்...ஹி..ஹி...

எப்போதும் என்னை ஒரு முட்டாளாக காட்டிக்கொள்வதையே விரும்புகிறேன்...அதில் நிறைய சாதகங்கள் இருக்கின்றன என்பதை உணர்ந்திருக்கிறேன்.....ஒன்றை நினைவில் வைத்துக்கொள்ளுங்கள்....புத்திசாலியாக யார்வேண்டுமானாலும் நடிக்கலாம்...முட்டாளாய் நடிப்பது ரொம்பவே கஷ்டம்.

அப்பால...நாம யாருக்காச்சும் ஹெல்ப் பண்ணினா அவங்கள தனியா கூப்டு மெரட்டீருவேன்..ஹி..ஹி....அதாவது "மவனே...நான் பண்ண இந்த ஹெல்ப் உணக்கும் எனக்கும் மட்டுந்தான் தெரியனும்...வேற யாருக்காச்சும் தெரிஞ்சது தொலச்சிருவேன்னு"....ஹி..ஹி.யாருக்கும் தெரியாம ஹெல்ப் பண்ணீட்டு ஒன்னுந்தெரியாத மாதிரி சமத்தா இருக்கறதுதான் பிடிச்சிருக்கு.

ஒரு காலத்தில் நண்பர்கள்தான் வாழ்க்கையாக இருந்தது....இன்றைக்கு தனிமையையே விரும்புகிறேன்....கிடைக்கும் கொஞ்ச நேரத்தையும் குடும்பத்துடன் செலவழிக்கவே விரும்புகிறேன்.இன்றைக்கு அநேகமாய் எல்லா நண்பர்களையும் தவிர்த்துவிடுகிறேன்....புதிய நண்பர்களை பெறுவதிலும் நாட்டமில்லை.

ஹி..ஹி...சென்னையில் ஒரு மிகபிரபலமான ஜோசிய அம்மனி என் ஜாதகத்தைப் பார்த்துவிட்டு, உன் வாழ்க்கையில் குறைந்தது பத்து பெண்களாவது வந்துபோவார்கள், உஷார் என இன்ப அதிர்ச்சி கொடுத்தார்...ஹி..ஹி...வீட்ல அம்மனிகிட்டே இன்னும் ஒன்பது பேர் வருவாங்க போல ஜாக்கரதையா பாத்துக்கன்னு சொல்லிருக்கேன் ...ஹி..ஹி...அம்மனியோ...அம்மா,தங்கை, பொன்னு, அத்தைனு...பத்து பேர் கணக்கு சொல்லி எல்லாம் வந்துட்டாங்க...அதுனால கைய காலவச்சிட்டு ஒழுங்கா இருக்கனும்னு மிரட்டிருக்காங்க...ஹி..ஹி...

ஒன்னுக்கொண்னு சம்பந்தமேயில்லாத வெவ்வேறு துறைசார்ந்த நான்கு தொழில் நிறுவனங்கள், அவற்றின் இலக்குகள்,ஆட்கள்,போட்டிகள், பிரச்சினைகள், லாபம், நஷ்டம்...என விரட்டும் அழுத்தங்கள்...காலை 7.30துவங்கும் நாள் முடிவடையும்போது நள்ளிரவு 12 ஐ தாண்டுகிறது....5 முதல் 6 மணி நேரமே தூக்கம்...தினம் சென்னை ட்ராஃபிக்கில் குறைந்தது 100 கிலோமீட்டராவது ட்ரைவ் செய்யும் பொறுமை.இத்தனைக்கும் நடுவில் சுற்றுபுறத்தை ரசிக்க,கோவிக்க,விமர்சிக்க முடிதல்......

என்னுடைய தொழில்முறை எதிரிகளை மிகவும் மதிப்பவன்.....அதனால்தான் என்னவோ.....என்னுடைய மோசமான எதிரிகள் கூட என்னை நேருக்குநேர் பார்க்க அமையும் சந்தர்ப்பத்தில் பகையை ஒதுக்கிவைத்து சினேகமாய் பேசுகிறார்கள்.....தொழிலை தவிர்த்து மற்ற விசயங்களை மனம்விட்டு பேசும் எதிரிகளும் உண்டு.இது குறித்து தனியே ஒரு பதிவே போடலாம் அத்தனை ஸ்வாரஸ்யமான சம்பவங்கள் உண்டு.

இந்தியா ஒரு அதியற்புதமான Legspinner ஐ இழந்துவிட்டது....மெய்யாலுமே மக்கா.....உலகத்தரம் வாய்ந்த, ஏன் அதை விட அருமையான சுழல்பந்து வீச்சாளன் நான்.

இப்படி நெறய சொல்லீட்டு போகலாம்....இப்பவே உங்களையெல்லாம் பாத்தா பாவமா இருக்கு....அதுனால இத்தோட முடிச்சிக்கறேன்.

"சும்மா கெடந்த பயல கிண்டிவிட்டு இப்ப ஆட்டம் தாங்கலியேன்னு தோணுதா மங்கை!......நாந்தான் அப்பவே சொன்னேன்ல நான் இந்த வெள்ளாட்டுக்கு வரலைன்னு...இப்ப அனுபவிங்க....ஹி..ஹி..."

ஸென் - என்ன சொல்கிறது.

ஸென் - ஒரு எளிய அறிமுகம்

---

"நெஞ்சுக்குள் நேரடியாக உள் புகுவதே என் தத்துவம்"

...இப்படித்தான் போதிதர்மா ஸென் பற்றி குறிப்பிடுகிறார்.

திரு.ருத்ரன் அவர்கள் தனது நூலில் இதை இன்னும் எளிமையாய் ஸென்னை விளக்குகிறார்....

ஸென் என்பதை நிலாவை காட்டும் விரல் என்றும் குறிப்பிடுவதுண்டு.ஸென் என்பது அனுபவம்..அதை விளக்க மூயலும் கதைகள்,விடுகதைகள்,கவிதைகள் ஆகியவையே அந்த சுட்டும் விரல்கள். விரலைப் பார்த்தால் நிலா தெரியாது. நிலாவை பார்த்தபின் விரல் தேவைப்படாது.நிலாவை தேடுபவன் முதலில் விரலைப் பார்த்து அது காட்டும் நிலாவை பார்க்க முடியும்.ஸென் விளக்கப்படுவதை விட உணரப்படவேண்டியது......

நான் உணர்ந்த வரையில் ஸென் என்பது சிக்கலில்லாத ஆன்மீகம். குறுக்கீடுகள் இல்லாத அனுபவமென்றும் கூறலாம். பொதுவில் ஸென் ஒரு மதமேயில்லை,அது ஒரு வாழ்கைமுறை...அனுபவித்து உணரவேண்டிய வாழ்வியல் தத்துவம். இங்கே கடவுள் இல்லை,சடங்குகளோ சம்பிரதாயங்களோ இல்லை.

இன்னும் சொல்வதென்றால், வாழ்க்கைக்காக காத்திருக்கும் மனிதனிடம்..... காத்திருக்கும் வாழ்க்கையை உணர்த்தி அனுபவிக்க சொல்லும் சூத்திரம்

ஸென் தத்துவத்தினை ஒரு வாழ்க்கை முறையாக்க் உலகெங்கும் அறிமுகம் செய்த பெருமை திரு.சுஸுகி என்பாரையே சேரும்.கியோட்டோ பல்கலை கழகத்தின் புத்தமத தத்துவ பேராசிரியரான இவர் பலமொழிகளில் பரிச்சியம் உள்ளவர்.ஸென் பற்றி இவர் எழுதிய 25க்கும் மேற்பட்ட புத்தகங்களும் க்ட்டுரைகளும்தான் ஆங்கில உலகத்திற்கு ஸென்னை அறிமுகப்படுத்தியது.ஆங்கில வழிதான் ஸென் உலகெங்கும் பரவியது, நம் தமிழுக்கும் அப்படியே....

இவர் தவிர திரு.அலன் வாட்ஸ் மற்றும் திரு.பௌல் ரெப்ஃ ஆகியோரும் ஸென் பற்றி அருமையான புத்தகங்களை எழுதியுள்ளனர். இவர்களையெல்லாம் மிஞ்சும் வகையில் செக்ஸ் சாமியார் என அவதூறு பரப்பப்பட்ட ரஜனீஷ் என்கிற ஓஷோ தனது உரைகளில் ஸென் தத்துவத்தை பரப்பினார். அவரது உரைகளை கொண்டு மட்டுமே ஸென் தொடர்பாய் 700க்கும் மேலான நூல்கள் வெளியாகியுள்ளன. ஓஷோ எழுதிய 'போதிதர்மா' என்கிற நூலில் போதிதர்மா பற்றிய பல சுவையாக கதைகள் உள்ளன.

அடுத்த பாகத்தில் ஸென் பற்றி மேலதிக தகவல்களுடன் தொடர்கிறேன்.....